Андзорыжь и уэрэд
ТЕКСТ ПЕСНИ:
Бырандури шууфӏкъэ,
Мафӏэм хуэдэр и ӏэщэт.
Пызыгъэщкӏыр и джатэ,
Пызыкъутри и шащхьэщ.
Тесми уанэр шэдыбжькъэ,
Чысантыжькӏэ ныдокӏыр.
"Угъурлыжьыр" и пщафӏэт,
Теуэгъуэфӏи ныщикӏукӏэ.
Андзорыжьыр йопсыхкъэ.
Андзорыфӏыр жейхуэлӏи.
Сыхьэт плӏанэ щхьэукъуэщ.
И гъущапӏэр къощэжи.
И сэшхуэфӏыр къырехкъэ,
И сэшхуэдзэр ӏуеудкъэ.
И фочышхуэр къырехкъэ,
Щтэр зытелъыр зэпепхъкъэ.
Сагъындакъыр къырехкъэ,
Сагъындакъыпэр пещӏыкӏкъэ.
Андзорыфӏыр къоушкъэ,
"Накӏуэ!" жери мэшэскъэ.
Теуэгъуэфӏхэр ныщикӏукӏэ
Фӏыцӏагъэбэр къелъагъукъэ.
И фочышхуэр къырехкъэ,
Щтэр зытелъыр ӏулъыжкъым.
Сэгъындакъыр къырехкъэ,
Сэгъындакъыпэр пытыжкъым.
И сэшхуэфӏыр къырехкъэ,
И сэшхуэдзэр ӏутыжкъым.
Бырандури шууфӏкъэ,
Андзорыфӏри кӏуэдыжкъэ.
Источник: книга З. Кардангушева "Адыгэ уэрэдыжьхэр"
Скачать MP3 в исполнении Зарамука Кардангушева
Ключевые слова: Андзорыж, Анзорыж, Анзорыжь