Нэхъыжьхэм къытхуэфщӏам унафэ

ТЕКСТ ПЕСНИ:

Е–гей, нэхъыжьхэм къытхуэфщӏам унафэ,

Вагъуэижхэм дышэсынщи алъпу,

Уафэхъуэпскӏри тщӏауэ дэ ӏумпӏафӏэ,

Къетхьэхыни ди ӏэгу пцӏанэм илъу.

Е-гей, нэхъыжьхэм къытхуэфщӏам унафэ,

Къыфӏэтхынкъэ уафэм лэгъупыкъур.

Хьэщӏэ къакӏуэм, хуэтщӏнщ санэхуафэ,

Едгъэлъагъуу дызэрынарт лъэпкъыр.

Е-гей, нэхъыжьхэм лӏыгъэр фащэ дахэу,

Къэхъу фи бынхэм дэ къытщыфтӏэгъар

Идмыхын ӏэпкълъэпкъым дыкъэдзыхэу,

Ди къуршыжьхэр бийм едгъэщӏу гъэр.

Е-гей, нэхъыжьхэм къытхуэфщӏам унафэ,

«Мыхъун» псалъэр, хабзэщ, пэдмыдзыжу,

Зедмыхьэжми ди пкъым илъу афэ,

Девгъэсащ дэ щӏыхьым дыхуэпэжу.

Е-гей, нэхъыжьхэм гупым фыкъытхыхьэм,

Хабзэу дахэр ди ӏэнэгум ейщ.

Саур уанэр лӏыгъэм хузэщӏэтлъхьэм,

Дэ зи напэр тхъумэр Къэбэрдейщ.

Е-гей, нэхъыжьхэм зефхьа щӏакӏуэ фӏыцӏэр

Лӏыгъэм ипсыхьауэ къэвгъэнащ.

Зы лӏыхъужьи темытхауэ фи цӏэр,

Ди къуршыжьхэр сын фэеплъ тхуэфщӏащ.