Гъуэгу гъунапкъэншэ

ТЕКСТ ПЕСНИ:

Хъыбарыжь гуэрымэ, зэриӏуэтэжымкӏэ, пасэрей цӏыхухэми, уей,

Уафэм нэсынурэ гугъэ ныхуащӏкӏэрэ пкӏэлъей нырадзырэ, уей.

Уо, къэкӏыгъи жи, уо, къалъхугъи жи, уо, щӏы щхьэфэм жи,

Тет псори зэт(ы)ралъхьат.

А хъыбарыжьым зэриӏуэтэжымкӏэ, а псори уэгум нэмыс.

А шыпсэ дыдэмэ зэрыжиӏэжымкӏэ, зы джэдуукӏэ чэмащ.

Уо, таурыхъкӏи жи, уо, ди пасэрейр, уо здынэмысам

Ди къуэшхэм къыщыкӏухьащ.

Ди хэку щӏыхь лъапӏэуэ цӏыхугъэ плъапӏэри дунейм и щыгум нэӏусщ.

Ди космонавтхэмэ гъуэгу гъунапкъэншэри космосу жыжьэм ныпхашщ.

Уо, таурыхъкӏи жи, уо, ди пасэрейр, уо, здынэмысам

Уэгу кхъухькӏэ дэ дыфӏэкӏащ.

Игъащӏэм цӏыхугъэм имылъэгъуауэрэ телъыджэ дыдэр къэхъуащ.

Щӏы лӏыкӏуэ хахуэхэм къакӏэрымыхуурэ бзылъхугъи уэгум лъэтащ.

Уо, щӏы хъурей псор, уо зыхудэплъейр, уо, мы мазэ, жи –

Ди шыпхъуу шыпхъум я лейрщ.

Апхуэдэ къуэшхэмрэ, апхуэдэ шыпхъухэмрэ сэ сызэриӏэмкӏэ, уей.

Апхуэдэ хэку – анэр зэрытщхьэщытымкӏэ гухэхъуэр уэгум ноӏус.

Уо, дэ дигури, жи, уо дэ ди псэри, уо фи гъусэу, жи,

Планетэ куэдхэм дынос.