Бэдынокъуэ и уэрэд 2

ТЕКСТ ПЕСНИ:

Нарту ди лӏыхъу нэху, жи,

Дыгъэ махуэ щӏыжытӏэ,

Фӏыу хужытӏэ псори къылъыс,

Зиусхьэн дэшэсыр хьэ самырщ.

Зэрыдэшэсыкӏыр

Хуарэ тхъуэ къарапцӏэщ,

Данагъуэр зи шхуэмылакӏэ,

И акӏэр зи дыщэ ӏунэ.

Нэхур зыдэзыгъэз,

Хы къуапитӏ зэзыгъэзыр,

Уэрада, уи анэщ,

Джын-джын куэщӏ къыщыт дыгъэр

Уэрада, уи анэщ.

Быфыкъуэ анэ дыщэ пыӏэ

Уэрада, хуогъэщӏыр,

Тхьэм къигъэщӏ лъэрыгъ зыдеӏэр.

Джатитӏ зэблихъуу мэзауэ,

Зауэм щыхыхьэкӏэ нарт фафӏэщ.

Зиусхьэн и фэгъуи щыӏэ?

Нартыжьу щыӏэми щӏоупщӏэ.

Лъэпагуэу щыӏэхэр къегуэш,

Дэри гуэшыным дэдгъэзащ,

Къимыгъэзэхэурэ мэзауэ,

Зауэ щахыхьэкӏэ нарт фафӏэщ.

Уэ узыдэбакъуэм

Дыщэ джатэ къыздэпхьщ уэ,

Ущепсыхым бийр бгъэубзэщ,

Лъостэныбзэри щӏыбауэщ.

Хьэ хей макъхэри щыдзыгъуэщ,

Дзэр зыщыхьэкӏуэри уи джатэщ,

Уи джатэ уэкӏэри зым памыщӏ,

Уи гъащӏэм бэр щӏолъэӏур.

Зэщӏэбгъэуӏуэри шыми бгъэшэсщ,

Чынтыдзэ пашэми йокӏуалӏэ,

Лӏыгъэ хуэкӏуэри тетыгъуэм треху,

И хуарэ псыгъуэр и ӏэдэжщ.

Ӏэдэж уанэр дыжьынщ,

Дыщэ щӏопщыр егъаджэ,

Абы и джэ макъыми,

Дыщэ джэд долъатэри.

И къэкӏухьыкӏэр лъэтагъафэщ,

Шы миныр зыщӏэмыхьэ,

Ди нанэ зэрыхьэкӏын,

Укъэхъуну сохъуахъуэ.