Псалъэхэр зытхар Къэрэмырзэ Ю.
Категории: кабардинские песни
ТЕКСТ ПЕСНИ:
Пшынауэ макъым жэщыр докӏуасэ,
Ӏэгуауэ макъыр жыжьэ къоӏукӏ.
Мэзэгъуэ жэщым си гур мэхъуапсэ,
Сыщӏыхьэжыну унэм слъэмыкӏ.
Унэм слъэмыкӏ.
Бжэӏупэ джэгур жэщым допсалъэ,
Ди псалъэмакъхэр сигу къагъэкӏыж.
Уэ уепцӏыжами зэпытха псалъэм
Уи псалъэмакъыр сигу имыкӏыж.
Сигу имыкӏыж.
Джэгур зэхашэр, уджми къыпащэр,
Пщащэ гъэфӏахэр къыдаш шууейм,
Псэкӏэ зэӏусэу, нэкӏэ ӏущащэм,
Сахэпшыжати уэ, си дуней.
Пшынауэ макъым жэщыр докӏуасэ,
Ӏэгуауэ макъыр жыжьэ къоӏукӏ.
Мазэгъуэ жэщым си гур мэхъуапсэ,
Сыщӏыхьэжыну унэм слъэмыкӏ.
Унэм слъэмыкӏ.
Источник: @zhygue
ключевые слова: док1уасэ