ТЕКСТ ПЕСНИ:
1. Дэ дыкъущхьэт, къущхьэм и жьанэм (жи, уей) дыщалъхур, уо!
Дэ дыкъэзылъхуахэр (жи) дыщэкӏ унагъуэти, (уей) мэунэр, уо!
2. «Дыунэнщ», - жыдоӏэр (иджы) Тохъутэмыщей тӏэкӏумэ, (уей) дыдохьэ.
Дэ дызыдыхьам (иджы) ди чэнджэщэгъухэри (уей) димыӏэ, уо.
3. Тохъутэмыщхэ диӏэт (иджы) дэ ди нэ-ди псэмэ (уей) къылъохъур, уо
Зэшитӏуэ дыхъурти, шыхъуэ-шыхэпщурэ (уей) драӏэт, уо.
4. Щӏым къэса закъуэмэ – ди анэжь тхьэмыщкӏэри (уей) и бынжэпыбзкъэ, уо!
Къалэм ущыкӏуэкӏэ щӏакӏуэм и фӏыцӏэри пщӏыпщӏу пхузетхьэрт, уо!
5. Унэм укъэкӏуэжмэ, шагъдийм и джабэри щӏэтлъэщӏыкӏырт, уо!
Мэрем жэщыр къосри «Жамбот!» - жиӏэурэ (уой) зы къоджэр, уо!
6. Абы и джэ макъмэ Нэгурэшу дахэр (жи, уей) доущыр, уо!
Къимыгъэушынуэрэ шхыӏэным и кӏапэр (жи, уей) хущӏеупщӏэр, уо!
7. Жамбот лӏы пхъашэти, ар лӏы мышынэт (иджы, уей) щолъэтыр, уо!
Зы лӏым и фащэкӏэ Къущхьэ Жамботмэ (уей) зехуапэ, уо!
8. Нэгурэшу дахэр (жи) къыщылъэтауэрэ (уей) мэлъаӏуэр: (уо)
Мафӏэгъуэ дэпри фочым и пащӏэкӏэ (уай) къыщетхъур, уо!
9. Ар зи джэ макъмэ фӏы игу имылъкӏэрэ, сэ си тобэ! (уо)
Мафӏэгъуэ дэпри фочым и пащӏэкӏэ (уай) къыщӏетхъур, уо!
10. Гынжьейм и пхъашэри шыгъу кӏанэм хуэдэурэ трегъащхьэ, уо!
Жыхафэгум щехкӏэрэ Нэгурэшу дахэр (жи, ай) поувыр, уо!
11. – Сэ хьэтыр симыӏэмэ, щхьэлъанщӏэм папщӏэкӏэ (уей) къэгъанэ, уо!
Ар зи джэ макъмэ фӏы игу имылъкӏэрэ, сэ си тобэ, уо!
12. – Ей, Нэгурэш, Нэгурэшу дахэ (жи), ар сэ къызжумыӏэ, уо!
Лъхукъуэщо къэджамэ (жи), сыт напэр сиӏэурэ (уей) сыӏуплъэжыну? Уо!
13.Бзаджэнаджэ къаджэмэ, нэджэӏуджэ сищӏынщ жысӏэу, сышынэн (жи)? Уо!
Уэ уи кӏэ къуащӏэкӏэ сыт хуэдиз махуэкӏэ (уей) супӏын (жи)? Уо!
14. Жыгей бжэӏулъэри ӏэгум и дакъэкӏэ (уей) ӏуегъэпкӏыр, уо!
Фоч гъэпкӏар иӏыгъыурэ Къущхьэ Жамботри (уей) супӏын (жи)? Уо!
15. Фӏыцӏагъищыр бзаджэурэ лъхукъуэщоум я гуэщмэ (уой) щӏопкӏэжыр, уо!
Хьэщӏэщыжь кӏыфӏри фоч фӏыцӏэ пащӏэкӏэ (уей) щӏепщыкӏыр, уо!
16. Абы щимыгъуэтуэрэ Кущхьэ Жамботри (уай) щӏокӏыжыр, уо!
Ахьмэтым и жьэгури фоч фӏыцӏэ пащӏэкӏэ (уей) щӏещыкӏыр, уо!
17. Абы щимыгъуэтмэ Къущхьэ Жамботри (уей) къокӏуэжыр, уо!
Мы вэгъуэ удзри сыхьэт фӏэкӏыхукӏэрэ(уей) къеубэ, уо!
18. А лъэхъэнэ дыдэм я хьэ гъуабжэжьри (уей) бгъэдохьэ, уо!
- (Уей) хьэ гъуабжэжьурэ хьэм яшхыжын (жи), дэнэ ущыат уэ? Уо!
19. Мэзым дыкӏуамэ (жи), вы щӏэттӏыкӏахэри уэ тхуэбгъэхъурт, уо!
Унэм дыкъэкӏуэжмэ, бжьэ ӏэщын матищэмэ уэ урихъумакӏуэт, уо!
20. Ныжэбэризэмэ мыбы къэджа закъуэри уэ щхьэ умыщӏэрэ? Уо!
Фочым и пащӏэкӏэ хьэ париижьмэ (уей) жьэхоуэ, уо!
21. Хьэ гъуабжэжьыфӏмэ зишхыхьыжыххэурэ (уай) йожажьэ, уо!
Хьэ париижьри лъхукъуэщоум я гуэщмэ (уай) ныщӏохьэ, уо!
22.Шухьэцей къуащӏэри и жьэм жьэдэлъуэрэ (уай) къыщӏехыр, уо!
Шухьэцей къуащӏэри, Жамбот и гуфӏакӏэмэ (уай) деупщӏэ, уо!
23. Къущхьэ Жамботри лъхукъуэщоум я гуэщмэ (уай) ныщӏохьэ, уо!
Гупхъэтӏэкӏу пащӏэмэ шэ упщӏэтар (иджы, уей) зэпрегъэдзкъэ, уо!
24.Фочауищым бзаджэурэ къызэдагъэпсри (уай) къыздоуэр, уо!
Гъатхэ хьэпшыруэрэ Къущхьэ Жамботри (уай) зопщыпщэ, уо!
25.Мы фоч уэ макъмэ Нэгурэшу дахэр (жи, ей) дохыщӏэр, уо!
Унэм къыщӏохьэжри шыгъуэгу щхьэгъубжэмкӏэ (уай) йожэкӏыр, уо!
26. – Ей, Екъуб, уи къуэшыжь закъуэри (ей) щыӏэжкъым, уо!
Уэ, си нысэу си псэ, сытуэрэ ӏейуэрэ укъызэщхьэкӏуэт, уо!
27. Щхьэпцӏэрэ лъапцӏэрэ, фоч пцӏанэ иӏыгъыурэ (уей) къыщӏожыр, уо!
Къущхьэ Жамботри Тохъутэмыщхэ дежкӏэрэ (уей) ножэкӏыр, уо!
28. – Уей си къуэшыжь закъуэ, (уай, дуней) сытхэр къэхъуа (жи)? Уо?
- Абы къэхъуа лажьэмэ (уай, маржэ) уэ ущӏэмыупщӏэ, уо!
29. Уэ уилъ пщӏэжынумэ, хьэ банэ макъмэ (уай) ирижэ, уо!
Уэ сэ силъ пщӏэжынумэ, Тохъутэмыщхэ дежкӏэ екӏуэкӏ, (маржэ)! Уо!
30. Ар пхуэмыщӏэнумэ, Тохъутэмыщхэ дежкӏэрэ (уай) сехьэкӏ (жи), уо!
Сэ тхьэ сыгъаӏуэ (жи) я джэд нэхъ мыхъуми, сэ силъ сщӏэжынкӏэ, уо!
31. Жамбот къыщенэри Къущхьэ Екъубыр (жи)
Тохъутэмыщхэ ножэр, уо!
Я хьэщӏэщыбжэри фочым и пащӏэкӏэ (уай) ӏуеудыр, уо!
32. Я хьэщӏэщыжьмэ джэгуакӏуэ Исупри (уай) щыжейрт (жи), уо!
Лӏы пцӏанэ хэлъымэ Екъуб и фочыр трегъапсэ, уо!
33. Исуп щолъэтри Къущхьэ Екъубмэ (уей) къолъэӏур: (уо)
Хамэлъкӏэ уилъ умыщӏэжынумэ, (маржэ) сэ сыхьэщӏэщ, уо!
34. Дыхьа-дэкӏакӏэрэ ныщеупщӏым тхьэ къыхуеӏуэ, уо!
Абы къыщӏокӏыжри Тохъутэмыщхэ унэмкӏэ (уей) ножэкӏыр, уо!
35. Я тэхъуэнэбжэри фочым и пащӏэкӏэ (уей) ӏуеудыр, уо!
Жыхафэгум тетуэрэ псы лэгъупышхуэри (уей) къыщӏекӏэ, уо!
36. Пкӏэм ныдолъейр (иджы), хьэпшыпу телъыр зэбгредзыр, уо!
Зыкъыредзыхри я лӏыжь фызыжьхэри (уей) къыщехур, уо!
37. – Ныжэбэ ӏуэхукӏэрэ къыдыхьи-дэкӏи дэ дымыщӏэ, уо!
Уэ уи фӏыр дифӏкъэ, уи бийр ди бийщ! – жари тхьэ къыхуаӏуэ, уо!
38. Екъуб къокӏуэжри и къуэшыр лӏауэ (уей) ӏуощӏэжыр, уо!
Жамбот и хьэдащхьэмэ Къущхьэ Екъубмэ псалъэ щетыр: (уо)
39. – Къыплъыса лейри сымыгъэгъункӏэрэ, сэ тхьэ соӏуэ, уо!
Къуэшыр щӏелъхьэжри махуищ даущмэ ар къыхэткъэ, уо!
40. Еплӏанэ махуэмэ Екъуб щыдэкӏмэ и анэр кӏэлъоджэ: (уо)
- Лъы зэращӏэжри мис мыбы хуэдэщи уэ къедаӏуэ, уо!
41. Уи адэм къыщӏэнаурэ гупэ щӏэлъ къамэри уэ зэжэщтэ, уо!
Зауэм фӏэмыкӏыурэ адэ фочкӏэщӏри къыумыгъанэ, уо!
42. Фи фоч кӏыхьитӏмэ гынжьей ӏэбжьыгури уэ икӏутэ, уо!
Фочкӏэщӏыр гъуапэмэ уэ къигъэжи бийм теубыдэ, уо!
43. Абы къыфӏэкӏмэ маисэ къамэрэ (уей) щӏэщхъункъым, уо!
Укъыщӏэпхъуэжмэ, уэ укъэкӏуэжми – узибынкъым, уо!
44. Екъубу хахуэри Налшыч къалэжьмэ (уей) ныдохьэ, уо!
Тӏэкӏу едзэкъэнурэ зы шхапӏэ гуэрмэ (уей) ныщӏохьэ, уо!
45. Пщафӏэм бгъэдохьэри: «Псынщӏэу сыгъашхэ (жи)! - ныжреӏэ, (уо)
Ажафэ техынри къыспыщылъщи, сэ сопӏащӏэ!» Уо!
46. А шхапӏэ дыдэмэ джэгуакӏуэ Исупри (уей) щохьэщӏэ, уо!
Зыкъыхуегъазэри Къущхьэ Екъубмэ къыжреӏэ: (уо)
47. Ей Екъуб, Екъуб цӏыкӏу хахуэ (жи), лӏы фӏыцӏэ ябгэ, уо!
А уи ажафэри, уэ зэгъащӏэ, техыгъуейщ (жи), уо!
48. Уэрэд пхуаусынри уэ улӏыгъэншэм, ари тыншкъым, уо!
Сыноплъыжыпэри, уи бзэгу нэхъ папцӏэ (жи) уэ пкӏэрылъкъым, уо!
49. Сытыгур уиӏэуэ, уэ убэтат, Екъуб лӏы фӏыцӏэ? Уо!
Екъуб шхэхункӏэрэ хэку тетым бзэгухэри (уей) хуагъэсыр, уо!
50. Шхэн имыухыуэ тетым и лӏыкӏуэхэр (уей) къегъэсыр: уо!
- Накӏуэт, нэтэджыт, ажафэ техри, уэ нэхъейт (жи), уо!
51. Тетыр къыпхуейщи, и губжьу бзаджэмэ дэ дыщӏехуэ, уо!
Екъубу хахуэмэ тетым и лӏыкӏуэхэм яжреӏэ: (уо)
52. – Шхэн сухакъыми, си ӏуэху зэфӏэкӏмэ сынэкӏуэнщ (жи), уо!
Хэкум и тетмэ ар хуагъэсыжри (уей) мэхъущӏэ, уо!
53. Ар мэгубжьыпэри и дамэщӏэтхэри (уей) къыщӏехур, уо!
- Хьэм къилъхуа цӏапӏэри зэкӏуэцӏыпхауэрэ (уей) къысхуэфхь (жи), уо!
54. Етӏуанэ гуэрмэ тетым и лӏыкӏуэхэр пщӏэншэу мэкӏуэжыр, уо!
- Ӏэщэр кытефх! – жери, абдежым щытхэмэ ящӏокӏиер, уо!
55. Къущхьэ Екъубмэ: - Фэ фи мыхьэдэр фымыгъей (жи)! Уо!
Тетыр къокӏуатэри ауэ щыт гупмэ яжьэхолъэ, уо!
56. – Уэ фӏыцӏэ цӏыкӏуурэ, Тохъутэмыщ майормэ и псэлъыхъур, уо!
И щӏопщ тӏуащӏэмкӏэ Екъуб еуэнуэ (уей) зешэщӏыр, уо!
57. Екъуб фочкӏэщӏри кърегъэцӏэфтри (уей) хуеши (жи), уо!
Тетыжьыр мащтэри шхапӏэм щӏэт стӏолмэ (уей) тощахэ, уо!
58. Къэдабэ шэнтмэ и лъакъуэ щахэри (уей) щӏегъащӏэ, уо!
Пкӏэлъейм йохуэхри дзапэфӏанищри (уей) ӏуегъащхьэ, уо!
59. Къыщӏокӏ Екъубри уэрам зэв гуэрымкӏэ (уей) ныдохьэ, уо!
Уэрамыр ятӏэми лъэс лъагъуэ закъуэр (уей) ныпхокӏ (жи), уо!
60. Пщӏэгъулэ куапцӏэмэ майорыр тесурэ (уей) къыпхокӏыр, уо!
Екъубу щауэмэ шур къэмыс щӏыкӏэрэ ныжреӏэ: (уо)
61. – Уэ шы утескъэ, сэ сылъэсщи, уэ дэгъэх (жи)! Уо!
Шыр димыгъэхыуэ, Тохъутэмыщ майорри Екъуб бгъэдохьэ, уо!
62. – Илъэсыщӏэу къихьамэ унэзмыгъэсурэ, уэ услӏынщ (жи)! Уо!
Екъуб лӏы пхъашэти и фочкӏэщӏыжьри (уей) кърехыр, уо!
63. Пщы майор бзаджэмэ иреубыдылӏэри (уей) кърехыр, уо!
Шэ мыубзэщхъужти Тохъутэмыщ майорри шым йохуэхыр, уо!
64. Къамэр кърехри пщым и гу бзаджэри (уей) кърехыр, уо!
Бжэгъу щхьэкӏэ гуэрмэ гур ныфӏеупцӏэри (уей) ножьэжыр, уо!
65. Пхъэр зэрогъэхъури Къущхьэ Екъубмэ иужь йоувэ, уо!
Къауэ зэпытурэ Екъуб чэщанэмэ (уей) яфӏохьэ, уо!
66. Бгъэдыхьэфынурэ зылӏ къахэмыкӏыуэ къызэтреукӏэ, уо!
Ар щымыхъужмэ къалэм топыжьри (уой) кърашыр, уо!
67. Ягъэшынэнурэ гын фӏэкӏ имылъуэ (уей) зэ мауэ, уо!
Щахуэмышынэмэ топым и шэрхъри (уей) щӏым хатӏэ, уо!
68. Яузэдыжри щӏыгур дэпсалъэуэ (уей) ягъауэ, уо!
Чэщанэ быдэри топышэ гущӏэмэ (уей) долъалъэ, уо!
69. Къелъэлъэхахэми Екъубу хахуэри (уей) дощащэ, уо!
Екъуб и укӏыкӏэри и анэжь тхьэмыщкӏэмэ (уей) зэхехыр, уо!
70. – Ей, Нэгурэш, уи пшынэр къащтэ (жи) сыкъэгъафэт! Уо!
Нэгурэшу дахэмэ и пшынэр къещтэри къафэ йоуэ, уо!
71. Лӏыгъэу Екъубмэ ищӏам хуэгуфӏауэ и анэр щэ къофэ, уо!
Лӏыгъэу Екъубмэ ищӏам хуэгуфӏауэ и анэр щэ къофэ, уо!
Источник: @zhygue
ключевые слова: дыщэк1