Мэмэт иорэд (версия 1)

ТЕКСТ ПЕСНИ:

«Сыгъукӏэщт» oӏo гущэшъ, окопыри ошӏа,

Уиокопы шӏыгъэри лъэгуанджэм къэмыса.

Уисыджышъхьэтакъэ гущэм шъуаехэри къегъу,

Уищыдыбжьы гъуанэ гущэм цыгъохэри къекӏа.

Цушком зэрэхэкӏы гущэр уилъэгу зэкӏада,

Уицокъэзэкӏадэ гущэр Бэбрэу илъэмыджа.

Нэшъукъое лъэмыджы гущэм пэджэ укъытефа,

Пэразэу узыхафэ гущэрэ бэу иӏэяпӏа.

Мартэм иӏэяпӏэ гущэм цуитӏур хэогъана,

Уянэр къыоцӏацӏэ гущэмэ, шъхьакӏор къыхэоха.

Картофы хэхыгъэ гущэр джыбэкӏэ зеохьа,

Унэу узэрыхьэ гущэрэм топыр щыогъауа.

Гусэрыкъор къао гущэшъ, а пэр къыпеута,

Зеуутэкӏыжьы гущэзэ, хьаку трубэм уетхъуа.

Уӏэтхъо-лъатхъо гущэзэ, къызэпыолъэшъуа,

Пшъо гущэ къырауты гущэшъ, унэм укъырадза.

Зичӏыфэри птелъы гущэм арыстэр къыуедза,

Правлением окӏо гущэшъ, заявит къэошӏа.

Уизаявит шӏыгъэ гущэм полицэр фемыплъа,

Шъузиӏлахьым шъуеплъы гущэмэ,

Мэмэт шъущымыхьа.

Лэгъунэлӏыкъом ишы гущэхэр лъапӏэджэ ощэфа,

Ер уишы щэфыгъэ гущэхэр зэрэсэку макӏа.

Пшъэшъэ къежьэгъакӏэ гущэмэ ра уакъыкӏэнэцӏа,

Цӏэмэ уракӏыгъэ гущэшъ, урамым утелъа.

Къуи-шъугъэ быны гущэ уихьакъузэрэшка,

Кӏым пшкыны коды гущэр участкэм къимыкӏа.

Ащ къикӏыгъэ тӏэкӏу гущэр жьыми еутыжьа,

Къэнэжьыгъэ тӏэкӏу гущэр машинэм къэоща.

Ущэо-плӏао гущэзэ, укъыдыречъэкӏа,

Укъыдырекӏокӏы гущэшъ, дагъэр къыдэокӏа.

Ер, уашӏудэчъае гущэшъ, бганэр къыдэодза,

Шӏоеу къыдидзыгъэ гущэр унэ къыкӏеупцӏа.

Умыцӏэпӏэрылъфы гущэмэ, машинистэу ухъуна?

Ай, ай, ай, ай, си Мэмэт!

Ай, ай, ай, си Мэмэт!