народная песня
ТЕКСТ ПЕСНИ:
1. Къэхьырмэн* гущэм ӏуащхьэр къеубэри,
Шыбзыбэ гущэм пхъащхьэр пагъэщыр**,
Ар езы гущэр хэтхэ ящыщ жыпӏэмэ, уо-уо-уой, зиунагъуэрэ,
Хьэтӏохъущокъуэкӏэ щӏалэ хужь пагуи.
Ежьу: Уана-рира, рирара, уо-уо, райрэ,
Уой, нарира, рирара, райрэ! Уой-уа-райдэрэ, уареда, уа-уай, райдэ!
Уай, дыкъалъхури дыкӏуэдыжа мыгъуи!
2. Мэсейуэ си хьэзыр тӏощӏыр
фоч гъуэзым къысхуегъэуфӏыцӏ,
Ерыжыбурэ*** си фоч фӏыцӏэжьыр
джаур сотнэм ятызоунащӏэ.
Дыкъалъхури дыкӏуэдыжа мыгъуи!
3. Адрыщӏым сызэпрыплъмэ,
ныбжьыщӏэри щызэбграш,
Ар фочыпэри уэр щызэхашиекӏэ,
уэркъ щауэхэр псэ емыблэжщ.
Дыкъалъхури дыкӏуэдыжа мыгъуи!
4. Шым и фащэм шыбгыр къеухуэ,
Зеухуэри мэзым щӏохьэж,
Ар езы гущэри хэтхэ ящыщ жыпӏэм,
Трамэ и къуэкӏэ Къэрэбатырщ.
Дыкъалъхури дыкӏуэдыжа мыгъуи!
5. Зи шыпхъу хьэдэр зи зэпэбаш****,
Зи къуэш хьэдэр зи щӏыбырыхь,
Езыр хэтхэ ящыщ жыпӏэм,
Трамэ и къуэкӏэ Къэрэбатырщ.
Дыкъалъхури дыкӏуэдыжа мыгъуи!
6. Къэбэрдейм фи щӏалэгъуалэр
а махуэм къытхузэрошхыр,
Беслъэнейм фи пщыжь гъэшхар
ӏуащхьэ къуагъым къытхукъуэвгъэкӏ.
Дыкъалъхури дыкӏуэдыжа мыгъуи!
7. Къэсейхэ Фатӏимэт гуащэм
шэджагъуакӏуэ дэ къытхуимыкӏу,
Лъэс кӏуэнкӏэ дызыщӏэмыхьэжыр
Нартбейхэ Гуащэхъурейщ.
Дыкъалъхури дыкӏуэдыжа мыгъуи!
*Зэзауэр зэрыхъуа дыдэр зылъэгъуам и цӏэ (Вариантхэм: «Уэркъ къилъхуамэ, диӏуэтэжынщ» жеӏэ).
**Пхъащхьэр пагъэщ – жыг тхьэмпэр пашхыкӏ.
***Ерыжыб – фоч лӏэужьыгъуэщ, зыщӏам и цӏэкӏэ ироджэ.
****Зэпэбаш – фочыр щытрагъапсэкӏэ мыуэщхъун папщӏэ фочыпэм щӏагъакъуэ баш зэпхаращ.
Источник: Одноклассники.ru - Группа "Хэкурэ - Хабзэрэ"
Послушать в исполнении Зубера Евазова
ключевые слова: Карабатыр