Абрэдж Нухь иорэд

ТЕКСТ ПЕСНИ:

Абрэджы ныохэр зызэхэтӏысхьакӏэ

Ужъэгъэ уз, аӏоу, къыстегущыӏэхи сэ.

Сыжъэгъэ узэп, сыузыгъуаеп,

Сэ къызэузырэр Абрэдж Нухь гущи, оуи.

Къафкъас къушъхьашхомэ анахь лъагэм

Тыжьын осэпсыхэр къыщетэкъух гущи, оуи.

Шъхьа зышӏот пстэу гущэу урамым рэкӏорэм

Сишӏулъэгъуныгъэу гущи афистэкъуахьарэпи сэ.

Сикӏасэу Нухьэр садэжь къызыкӏокӏэ

Сэщ фэдэ щымыӏэу къызгуригъаӏо гущи сэ.

Сэщ фэдэ щымыӏэмэ, «некӏо» сэ зесӏокӏэ

Лъэсбэщыр ештэшъы, унэм екӏыжь гущи, оуи.

Абрэдж Нухь, моу зэ къэдаӏу,

Лӏыгъэ зыхэлъыр сэ къыосӏон гущи сэ —

Лӏыгъэ зыхэлъыр Хьакурынэр ары,

Лӏыгъэ зыхэмылъыр Абрэдж Нухь гущи, оуи.

Сипщынэ къарэ къызэкӏэсэщ,

Нухьэ игъыбзэ къыхэсэгъэщ гущи, оуи.

Сикӏасэу Нухьэ гущэм къищагъэу заӏом,

Сыкъызэхафи сыкъэмэхыгъ гущи, оуи.

Сымаджэ сыкъэхъуи, дэи сызэхъу гущэм

"Си Нухьэ" сӏошъи, лъызгъэкӏогъагъэ гущи сэ.

Услъэгъужьын, сӏуи, укъезгъэщэнэу

Сыкъыпщыгугъукӏэ укъезгъэщагъэпи сэ.

Сымаджэ сызэхъум пӏэм сызхэгъуалъхьэм

Ӏахьылэу сиӏэ гущэр къызэлъэсыгъэхи оуи.

Ӏахьылэу сиӏэ гущэр моу зэ шъукӏуатэри,

Абрэджы Нухьэми сэ сыӏужъугъаплъэ гущи сэ.

Си Нухьэ дах, моу зэ къэуцу

Сэ сыгу къеорэр сэ къыосӏожьын гущи сэ —

Сихьадэ техъорэ си чэфынапхъорэ

О уиӏашъхьитӏукӏэ къысфэщэфыжь гущи, оуи.

Сыпсэр къызысхэкӏыкӏэ сызрыгъыщэжькӏэ,

Сипӏуаблэ цыпэми къыкӏэуцожь гущи, оуи.

Бэным сырахьылӏэу сызагъэтӏылъкӏэ,

Снэӏу къихьари зэ къысӏуплъэжь гущи, оуи.

Хьадрыхы машэм сыкъыщагъэтӏылъкӏэ

Сыгу къэсӏоншъы сыкъэкуон гущи сэ.

Насыпынчъэ щыӏэмэ, джар шъуиорэдышъ,

Шъузэлъэжъыуба, марджэ хъужьын гущи шъо.