Адыгэ пщын

1.

Адыгэ лъэпкъыр чэфым еӏэт

Гушӏом зэрехьэ ей 

Адыгэ пщынэр джэгум къыщэӏу 

Ымакъэ жъынчэу, ей 

Припев:

Адыгэ пщынэр, ӏэпэ пшӏыкӏутӏу 

Орэд фэсэӏуи, ей 

Адыгэ пщынэр лъэпкъым икупкӏ 

Идахэ сэӏо, ей 

2.

Адыгэ пщынэр къегъэбзэрабз

Пщынэо ӏазэм, ей 

Орэдыр лъагэу огум щэхьарз 

Пщэмэ анэсэу, ей 

3.

Орэды чэфым гур дэӏушъашъ

Пщынэм дежъыуи, ей 

Гу ехьыжьагъэр чыжьэу хэкӏуад 

Чэщы мэзахэм, ей 

4.

Адыгэ лъэпкъым игукъэбзагъ

Пщынэм къеӏуатэ ей 

Сигъэшӏэ гъогум къыздытехьагъ 

Адыгэ пщынэр, ей.