ТЕКСТ ПЕСНИ:
1. Пхъэр мэхасэ,
Псэр мэдауэ,
Пхъэм и дауэр,
(Уоредэ) къэсlуэтэнущ сэ!
2. Мы зэхэсхэр,
Фыкъедаlуэ!
Уедэlуэнкlэ,
(Уоредэ) ар пшыналъэщ (уей)!
3. Пхъэм и налъэр -
Бэ и уасэщ,
Пхъэгъэсынурэ -
(Уоредэ) сэ сыкъашэ (уей)!
4. Сыкъызэрашэр -
Вы уэгужькъэ,
Мы жьэгужьмэ -
(Уоредэ) сынобзахэр сэ!
5. Сыпэрахмэ -
Сыфlамыщlкъэ,
Гъущlу ящlыр
(Уоредэ) сэ согажьэ (уей)!
6. Кхъужьеижьти -
Сыкъогъагъэ,
Гъэр фейцеймэ -
(Уоредэ) фызопlыжыр сэ!
7. Щlалэ пlыгъуэм -
Сывигущэщ,
Гуащэр тlысмэ -
(Уоредэ) сышэнтжьейкъэ сэ!
8. Кхъуафэжьейуэ -
Хым сытохьэ,
Гъуэгурыкlуэр -
(Уоредэ) сэ изодзыр (уей)!
9. Шабзэр ядзымэ -
Сышабзэкъукъэ!
Кхъузанэкъуу -
(Уоредэ) сыбзихукъэ сэ!
10. Уэздыгъэ нэхуурэ
Сыкъагъаблэ,
Бланэ уэгъуэм -
(Уоредэ) сыбашитlкъэ сэ!
11. Зэныкъуэкъухэм -
Сыраlэщэщ,
Щlыр къыщапщкlэ -
(Уоредэ) сыкъуэрагъкъэ сэ!
12. Дыкъуэнагъ жаlэм -
Сыгулъэгукъэ!
Пщащэр гуэмэ -
(Уоредэ) сыригухъукъэ сэ!
13. Къырагъахъуэм -
Сышынакъщи,
Пыlэ къупхъэуи -
(Уоредэ) саухъурейкъэ сэ.
14. Гулъэмыжуи -
Сырагъэкlур,
Хьэщlэ къакlуэмэ -
(Уоредэ) сывиlэнэщ сэ!
15. Щхьэгъырытым
Сырибашкъэ,
Цlыху ешахэм,
(Уоредэ) сыражьауэщ сэ!
16. Гъуэгу гъэжьауэу
Сыкъыхасэ,
Пlастэ ящlмэ -
(Уоредэ) сыбэлагъкъэ сэ.
17. Ар нафlэпэуи -
Сэ сыкъащlыр,
lэ пlыщlахэри -
(Уоредэ) согъэхуабэр сэ!
18. Саухъуреймэ -
Сывиужьгъэщ,
Ужьгъэ лъакъуэу -
(Уоредэ) сыщlагъэувэр сэ!
19. Щхьэл ягъэувмэ -
Сыгурыгъкъэ,
Къысщыгугъхэр,
(Уоредэ) согъэпэжыр сэ!
20. Уэтэр пщыlэм -
Сырипкъокъэ,
Къуэ быдэжьым,
(Уоредэ) сыкъыдашыр сэ!
21. lэнэ щтэгъуэм -
Сывигуахъуэщ,
Бо къэтхъугъуэм,
(Уоредэ) сывихьэнцэщ сэ!
22. Цейр яхъуэнумэ,
Сэ сычийкъэ!
Сызэрымыхъуурэ,
(Уоредэ) сыти щыlэ? (уой)