Си псэ

ТЕКСТ ПЕСНИ:

Мы ди щӏалэм сахэплъам,

Уэр нэхъ дахэ яхэмыт.

Уи дахагъэм ситхьэкъуау,

Макӏуэр си гъащӏэри уей, си псэ!

Уэгум вагъуэр щыщӏэнащ,

Жей симыӏэу сыкъэнащ,

Мафӏэ лыгъэу къэлындащ

Си лъагъуныгъэри, уей, си псэ!

Уэ си пщӏыхьым ухэмыкӏ,

Сынэкӏуэн уи деж слъэмыкӏ.

Сыкъэплъагъум узблэмыкӏ,

Сэ си гум илъыр уэращ, си псэ!

Къуалэбзухэм къалъэтыхь,

Си гур сэри къысфӏолъэт.

Мы уэрэдыр пхузоус,

Зэхэхи, къакӏуэ си деж, си псэ!