Хъудымыд иорэд
Хъудымыдэр дэмысэуи
Нарт я шъауэхэр джэгум кӏуагъэх
Нарт я шъауэхэр уджым кӏуагъэх
Хъудымыдэ къэкӏуэжьыгъэм
Нарт я шъаухэр тыдэм кӏуагъэх
Нарт я шъауэхэр уджым кӏуагъэх
Уджыр хъумэ сыдащэнэп
Джэгур хъумэ сыдащэнэп
Уашхъу сымдахэн еӏуи
Хъудымыдым зегъэгубжи
Хъудымыдым зыкъегъэпщи
Къошъо кӏапсэр къысфэшъухь еӏуи
Къошъо кӏапсэр къыфырахьи
Къошъо кӏапсэр иблыгуми
Къыкӏырелъхьи къырекӏоуи
Нарт я кӏыщмэ къаӏукӏагъи
Шӏонэ кӏакор къысфэшъухь еӏуи
Шӏонэ кӏакор къыфырахьи
Еу ӏоуи къетхъуахьэуи
Къошъо кӏапсэр къыкӏыреуи
Кӏыщырикӏ ыкӏыбымикӏ
Кӏыкӏыкӏ ыӏуэу регъэкӏыкӏи
Ӏэдэ-уэташъхьэхэр къысфэшъухь еӏуи
Ӏэдэ-уэташъхьэхэр къыфахьэси
Еу ӏоуи къырекӏуэуи
Зы чъыгыжъым къыӏукӏагъи
Етхъуэуи къыретхъуэуи
Ыкӏыбыми регъэкӏыкӏи
Еу ӏоуи къырекӏуэуи
Зы жъонэкӏо горэм къыӏукӏагъи
И цухэр зэрызоуи
Къепхъуати ыблыгумэ
Зэрызэуи акӏегъэтӏысхьи
Пхъэӏэшэ пэгъур икӏыпкъмикӏ
Еу ӏоуи дыреоуи
Еу ӏоуи къыфакӏуэуи
Нарт я шъауэмэ я джэгумэ
Къахэхьи а кортэуи
Джэгупӏэм ретэкъуэхи
Нарт я джэгухэр ретэкъуахьи
Еу ӏоуи къэкӏожьыгъи
Еу ӏоуи къэкӏожьыгъи
Источник текста: https://lyricstranslate.com/ru/jrpjej-hudymyd-iored-lyrics.html