Мэзгуащ

ТЕКСТ ПЕСНИ (ВАРИАНТ 1):

Багъымэ я Мыкӏуакӏорэ дышъэ къотас,

Хъаныкъом итарэнтасыри пхъэджэшъуищ.

Жъэумадыкъо зэшищыр тхьэм щэгугъы,

Хьэкурынэр зыщыгугъырэр Бирамкъул.

Бирамкъулэ шэу зытесри алашэ тхьэку,

Ишхонкӏэкӏ дэкъакори джынэуз.

Ишхонкӏэкӏ дэкъакори джынэуз,

Ежьыри шэйтаныузышъы шъуемыкӏуалӏ.

Джанджатэмэ я Къуйнэшъуми пщынэр къегъэгъы,

Тӏатӏрыхъу игъы макъэми мэлыхэр егъащтэ.

Арэдэ, пщыкъо нахьыкӏэми тхылъыр къетхы,

Нэчыхьэр афэзытхыгъэр хьапсым къычӏэплъ.

Кӏуаеу Борэкъо цӏыкӏуми дышъэр къегъалэ,

Мы ӏофым хэделыхьэгъэр Хьэкурынэ Тыгъужъ.

Багъымэ я Мыкӏуакӏори зэтырахы,

Мэзыгуащ загъэмэхыми кӏэгъожьыгъ.

Цуамыкъоу Лъэустэнкъулэр уинэкӏу джашъу,

Хьэбэхъумкъо джашъори псэлъыхъу пащ.

Хьэбэхъумкъо джашъори псэлъыхъу пащ.

Пэщэкъоу Тхьэйшъэожъри орэдыус.

ВАРИАНТ 2:

Бэгъымэ я Мыкӏуакӏо гущэри зэтырахы,

Къатырахыжьыгъэ гущэри Мэзгуаща.

Мыкӏуакӏо ыдэбжъыкъуитӏу гущэри дышъэ къотас,

Хъаныкъом итэрантасы гущэри пхъэджэшъуищи.

Жъэумадыкъо зэшищыр тхьэм щэгугъыри,

Хьакурнэхэр зыщыгугъ гущэхэр Бирамкъули.

Бирамкъулэ шэу зытесы гущэри дул-дул тхьаку,

Ишхонкӏэкӏ дэкъако гущэри джынэуз.

Ишхонкӏэкӏ дэкъако гущэри джынэузи,

Ежьыри шетаны узы гушэшъи шъуемыкӏуалӏ.

Джанчатэм я Къуийнэшъу гущэми пщынэр къегъэгъы,

Тӏатӏырыхъу игъымакъэ гущэми мэлыхэр къегъащтэ,

Хъаныкъом итарантасы гущэри пхъэджашъуищи,

Шыжъищэу ащ кӏэшӏагъэ гущэри кӏэджэшъуищ.

Хъабэхъумкъо джашъо гущэри уилӏыкӏо пащи,

Шэуджэнэу Исхьакъы лъащэ гущэри сиӏофы хэт.

Кӏаеу Борэкъо цӏыкӏу гущэм дышъэр къегъалэ,

Мы ӏофым хэделэхьагъэ гущэри Хьакурнэ Тыгъужъ.

Къэбэртаеу Сэколыкъожъ гущэри уятэм иблагъи,

Пщыкъуй шъо шъуиблэгъэны гущэкӏэ сыдыр илажь?

Орэдэ, Тыукъо Нахъужъ гущэри мэлышъотехи,

Еоой, сэ сшъо тешъохы гущэкӏэ сыгу ишъухына?

Орэдэ, пщыкъо нахьыкӏэ гущэми письмори къетхы,

Нэчыхьыр афэзытхыгъэ гущэри хьапсэм къычӏэплъы.

Хьакурынэу мы Хьатэошхо гущэми пчъаблэр къыречы,

Зинасып пычы фэхъугъэ гущэри Тӏатӏрыхъу шъхьаб.

Бабыгукъоу мы Дзэукъожъы гущэри къамлэпщэ ӏази,

Орэдэ, къэшъокӏэ ӏазэ гущэри Даур я Пып.

Хьакурынэу мы Хъуцужъ гущэри щазымэрыкӏуи,

Бирамкъулэ чэтэпэрыкӏо гущэшъы шъуемыкӏуалӏ.

Хъаныкъом ихэкӏожъитӏу гущэри къызэдэлъэхъуи,

Псэлъыхъоу уиӏэ пстэу гущэри пчэгум къинагъэх.