Багъырсей и уэрэд

ТЕКСТ ПЕСНИ:

Си къуэш, си пщафӏэ, умыбэлэрыгъ:

Шу гуп къэсащи, фӏы ягу къытхуимылъ.

Шу гуп къэсами саныпожьэ сэ,

Фӏэхъус-сэламкӏэ къытызошэ (уой).

Пцӏэгъуэплъым тесыр мэшэсыжри (уой).

- Уи къуэш, уи пщафӏэр къызэт! - жеӏэ (уой).

- Си къуэш, си пщафӏэр уэстыфынкъым (уой),

Мо си хакӏуэпщӏэр сэ узотыр! (уой).

Шым хэт хакӏуэпщӏэр уи адэ ейкъэ (уой).

Уи къуэш, уи пщафӏэр къызэт! - жеӏэр (уой).

Пцӏэгъуэплъыжьым тесым къызехулӏэ (уой) -

Шы сокум хэлъу ӏузогъэхыр (уой).

Пщӏэгъуалэм тесыр шэсыжащи (уой):

- Уи къуэш, уи пщафӏэр къызэт! - жеӏэ (уой).

- Си къуэш, си пщафӏэр уэстыфынкъым (уой),

Мо си мэл гуартэр уэ узотыр (уой)!

- А уи мэл гуартэр уи адэ егъэшхыж,

Уи къуэш, уи пщафӏэр къызэт! - жеӏэ (уой).

Пщӏэгъуалэжьым тесым къызжьэхехуэр (уой) -

Уанэгум илъу ӏузогъэхыр (уой).

Къыдырым тесыр мэшэсыжри (уой):

- Уи къуэш, уи пщафӏэр къызэт! - жеӏэ (уой).

- Си къуэш, си пщафӏэр уэстыфынкъым (уой),

Узыфӏэфӏ дыдэмкӏэ къызбгъэдыхьэ (уой)!

Къыдырыжьым тесыр къызжьэхолъэри (уой) -

Шы пщампӏэм дэлъу срехьэжьэ (уой).

- Си къуэш, си пщафӏэ, умыбэлэрыгъ,

Къыдырыжьым тесым сыпӏэщӏехыр сэ!

Си къуэш, си пщафӏэр къыпоуври (уой),

Мэлыжьым хуэдэурэ къыфӏегъэжыр (уой).