Псалъэхэр зытхар Къэрэмырзэ Ю.
Категории: кабардинские песни
ТЕКСТ ПЕСНИ:
Сыт аргуэру, сянэ,
Жыӏэт, уигу къэкӏыжхэр,
Дэнэ уздахьыжыр
Уи нэ плъызхэм уэ?
Утӏысынщ уи закъуи
Уэ, псалъэмакъыншэу,
Ухэтыху гупсысэм,
Си псэм телъщ бэлыхь.
Сэ сощӏэж гъуэгуанэу
Зэпыпчар зихуэдэр,
Уи дунейр фызабэу
Сянэ, зэрыпхьар!
Ауэ умыпсалъэу,
Угупсысэу куэдрэ
Умыкъутэ нэхъри
Сигу икъутыхьар!
Умыкъутэ си гур,
Сянэу си псэ, кхъыӏэ,
Сыхыумыгъэпыхьэ
Макъкӏэ дуней псом!
Источник: @zhygue
ключевые слова: жы1эт