Слова - А. Черкесов
Исполнители: Азамат Беков, Рената Бекова (Бесланеева)
Категории: кабардинские песни
ТЕКСТ ПЕСНИ:
1. Хьэр кьыщыбанэкӏэ, "къокӏуэр" жызоӏэри
Сожэр щхьэгъубжэмкӏэ, уей.
Кӏыфӏым сыхэплъэурэ нэхэр топлъызэри
Гур къызэфӏонэкъэ, уей.
Жейм семызэгъыу, зызэпызгъазэу
Гупсысэ кӏыхьхэмкӏэ ӏэджэрэ нэхур согъэщ.
2. Жейм сезэгъыжкъыми, пшапэр зэхэуэмэ
Уи дейж сынешэкъэ, уей.
Кӏыфӏым сыхэтурэ, сылъэпэрапэурэ
Сыныпхуопӏащӏэкъэ, уей.
Хьэм зичэтхъэжу, фи хадэм ситу
Жыгхэм сакъуэтурэ ӏэджэрэ нэхур согъэщ.
3. Усхуэмыфащэурэ щӏалэ къэмышэхэм
Сэ къызаӏуэкӏхэри, уей.
Си ныбжьэгъу пщащэхэр къызэчэнджэщурэ
Хыфӏэдзэ жаӏэри, уей.
Хэт и чэнджэщкӏи ар хыфӏэбдзэфмэ
Сыт лъэгъуныгъэкӏэ абы еджэни щӏыхуейр.
4. Зэ плъэгъуэ закъуэти уигум сэр папщӏэкӏэ
Жиӏэр къэсщӏатэмэ, уей.
Мы дунеишхуэри зэ пкӏэгъуэ закъуэкӏэ
Сэ къэсфыхьынтэкъэ, уей.
Хэт и чэнджэщи уэ уемыдаӏуэ,
Ӏуэрыӏуатэжьхэми жаӏэр уи фӏэщи умыщӏ.
5. Укъыщысӏущӏэкӏэ, псалъэ фэрыщӏхэри
Къысхуогъэдахэкъэ, уей.
Псалъэ хыфӏэбдзэхэр зэхуэсхьэсатэмэ,
Ущӏигъэнэнтэкъэ, уей.
Жэщ къэскӏэ уокӏуэ, уздэкӏуэр сощӏэ
Зыбгъэфэрыщӏыурэ укъыӏумыхьэ си деж.
6. Уэ сыщыпхуэзэкӏэ мы сигу тхьэмыщкӏэри
Къилъэту мауэри, уей.
Псалъэу бжесӏэнухэр схузэпымыщэурэ
Си гур къоуӏуэри, уей.
Жэщ къэс сынокӏуэ, уи деж сыноплъэ
Си фэрыщӏагъэри ар лъэгъуныгъэ лыгъейщ.
ключевые слова: хьэр къыщыбанэчэ къокуэ жызоари сожж щхьагтумбжэмчэ черкесская, къыщыбанэкӏэ