Зугъэд и гъыбзэ | Версия 1

ТЕКСТ ПЕСНИ:

Ди цӏыкӏугъуэм щегъэжьауэ дэ дызэщӏыгъуат,

Мазэ ныкъуэр ди щыхьэту ӏэплӏэ зэхуэтщӏат.

Къызжепӏахэр дэнэ кӏуа? Щхьа ди псалъэм уепцӏыжа?

Гум имылъу ӏэплӏэ нэпцӏхэр хэт уэ епшэкӏа?

Джэгу къыщыхъукӏэ щӏалэгъуалэр къызэрогъэудж

Дэ ди джэгур ямыщӏыныр сыт къызыхэкӏар?

Сымаджэщым себгъэшащ, уи нэчыхьри ебгъэтхащ.

Лъагъуныгъэм уепцӏыжыныр сыт къызыхэкӏар?

Сымаджэщым и щхьэ дыдэм сыныдырашейр,

Лъагъуныгъэу гур зыкъутэр ныскӏэлъыдэкӏуейр.

Сытым щхьэкӏэ пуд сыпщӏа, лъагъуныгъи сыбгъэщӏа?

Лъагъуныгъэу сыбгъэщӏами ажал уз хэсхащ.

Фи уэрамым сынырокӏуэр услъагъун къысфӏощӏ,

Фи куэбжэпэм сыщыблэкӏкӏэ сигур къысӏэпокӏ.

Сытым щхьэкӏэ пуд сыпщӏа, лъагъуныгъи сыбгъэщӏа?

Лъагъуныгъэу сыбгъэщӏами щхьа уэ уепцӏыжа?

Гъащӏэр мащӏэт. Вагъуэижу сэри солъэтэж.

Дуней нэхуу, фӏыуэ слъагъур, сэ узобгынэж.

Ауэ зыкӏэ сынолъэӏу, сэ си лъэӏури схуэгъэпэж.

Уи унэцӏэм сицӏэр пытхи сыным нытетхэж.