Хьэтхым и къуэ кӏасэм и уэрэд

ТЕКСТ ПЕСНИ:

Хьэтхым и къуэ кӏасэ

И къуэ кӏасэ жьые гущэти, мэщакӏуэ!

Ар и щакӏуэ пщыӏэр, атӏэ,

Бэрэскӏэшхуэ махуэ гущэми ныдехкъэ.

Нызэрыдихыххэу, рэтӏэ,

Даухэ я пщы ябгэ гущэми зэхехи.

Зэрызэхихыххэу, рэтӏэ,

Шу гупышхуэ гъусэри къегъэси.

- Пщэдджыжь нэхущмэ

Жэз нэрыплъэ цӏыкӏумкӏэ сроплъэ.

Шу гупышхуэ къакӏуэри

Срымэ, уэ уи лажьэ, солъагъур.

Ан фызышэ кӏуэнкӏэрэ

Срымэ, уэ уи лажьэ, сфӏэмащӏэщ.

Ар хъунщӏэщӏщ жысӏэнт, рэтӏэ,

Срымэ, уэ уи лажьэ, сфӏэкуэдщ.

Шу гупышхуэр къосри

Срымэ, уэ уи лажьэ, - Даухэ я пщы ябгэжьырщ!

Къызэрынэсыххэу, рэтӏэ,

Шыпхэрыкӏэсынри къеублэ.

- Даухэ я пщы ябгэр сэрщи,

Мы си шы пэхушхуэмэ къэкӏэс!

- Даухэ я пщы ябгэр уэрмэ,

Мыр гъуэгужьщи макӏуэри ирикӏуэ!

Угъуэншэджыпхъэ лъыхъуэм, атӏэ,

Гъуэншэджыпхъэ уаси спыпхынкъым!

Си анэм сыкъызэрилъхурэ

Шыпхэрыкӏэсынри си жагъуэщ.

Ар зэрызижагъуэри

Сэ си ныбжьэгъуфӏхэм къыздащӏэ.

Ахэр уи фӏэщ мыхъум, рэтӏэ,

Фи унэ щӏэс ныбжьыщӏэмэ еупщӏ.

Ари уи фӏэщ мыхъум, рэтӏэ,

Мис мыхъур ӏэлъынри ӏэужькъэ.

Ари и фӏэщ мыхъуу, рэтӏэ,

Даухэ я пщы ябгэ гущэри мэхьэкъуэ.

- Куэдрэ сумыгъэхьэкъуэу, рэтӏэ,

Мыр си шы пэхужьмэ къэкӏэс, жи!

- Си анэм сыкъэрилъхурэ

Шыпхэрыкӏэсынри си жагъуэщ.

Мы фочыжьыр сӏыгъыурэ,

Уи къандыргъеижьми сыкӏэскъым!

Сэ фочгуэрэ сӏыгъыр, атӏэ,

Ар бэрэжьеиблкӏэрэ псыхьакъэ.

Абы шэуэ илъымэ

Тенлжызым тет кхъухьыр зэрехуэ.

Ятехуакӏэ шынэурэ

Мэзым щӏэт кхъуэпӏащэхэри зэбложи.

Ари и фӏэщ мыхъуу, рэтӏэ,

Даухэ я пщы ябгэ гущэри хегъащӏэ!