Дихьэхам и уэрэд

ТЕКСТ ПЕСНИ:

Гъатхэ уафэгум щес пшэ ӏупэхухэр

Жьыбгъэм зэрехуэ, уей,

Сэ сызезыхуэ гупщысэ щэхухэр

Зыхуэсщӏа щӏалэм сыримыӏуэху мыгъуэ, уей.

Жыгхэр къогъагъэ, удзхэр къогъагъэ,

Бзур мэбзэрабзэ, уей,

Сыкъэгъэгъэнут, сыбзэрэбзэнут,

Си гум и щӏасэм гу къыслъитамэ, уей.

Щӏалэ зэкӏужхэр, щӏалэ къуданхэр

Псэлъыхъу къысхуокӏуэ, уей,

Махуэхэр макӏуэ, жэщхэри макӏуэ,

Сэ къысхуэмыкӏуэр си щӏалэ закъуэрщ, уей.

Ныжэбэ кӏуами нысэ къашауэ

Джэгур зэхашэ, уей.

Ди ӏэхэлъахэм къэзымышауэ

Къэна щӏалитӏым я зыр си щӏасэрщ, уей.

Щӏалэгъуэр макӏуэ дызэӏумыщӏэу,

Гъащӏэри макӏуэ, уей.

Си гум и щӏасэм сызэхимыщӏэу,

Сщӏэнур сымыщӏэу сыкъигъэнакъэ, уей.