Мэзгуащэ

ТЕКСТ ПЕСНИ:

Мэзгуащэри и адэжь къуажэми, уей,

И дыгъэ-мази, уэуи.

Дунейм зызэдигъазэри, уей,

Мэзгуащэ дахи.

Хэкужьым къыхэжаныкӏри, уей,

Мэзгуащэ лъохъурэ, уэуи.

Псэлъыхъукӏэ къэмыубзари, уей,

Мэзгуащэ дахэщ.

Лӏыгъэжьыр зыхуримыкъуми, уей,

И хьэр трахыжкъэ, уэуи.

Яхь пэтми, яхуэмыхьри, уей,

Мэзгуащэ дахэщ.

Багъмэ фэ фи Мыкӏуакӏуэри, уей,

Дзэм нытрахкъэ, уэуи.

Трахыжа гущэри, уей,

Мэзгуащэ дахэщ.

Къэбэрдейм я нэхъ лӏы пажэхэр, уей,

Уи щӏэупщӏакӏуэт, уэуи.

Дахэм къыщӏэупщӏахэри, уей,

Шыщхьэзэфӏэдзэт.

Хъаныкъуэм и хакӏуэжьитӏри, уей,

Къызэдолъэхъурэ, уэуи.

Псэлъыхъууэ уиӏа псори, уей,

Утыку къибнакъэ.

Хьэкуринэм фи Хьэтуушхуэми, уей,

Бжаблэр къыхечи, уэуи.

Тӏатӏырхэ фэ фи гъы макъми, уей,

Мэлхэр егъащтэ.

Жамытыкъуэхэ я зэкъуэшищри, уей,

Тхьэм ныщогугъыр, уэуи.

Фэ фи усакӏуэ ибэри, уей,

Хэт щыгугъыну.

Мэзгуащэ дахэ, дахэ псом я дахэ!

Мэзгуащэ дахэ, дахэ псом я набдзэ!

Мэзгуащэ дахэ, дахэ псом я мазэ!

Мэзгуащэ дахэ, дахэ псом я дыгъэ!