Си анэбзэ, си адыгэбзэ

ТЕКСТ ПЕСНИ:

Уи бзэр бзууэ пӏэщӏэкӏамэ,

Кӏэлъылъати къэпхъуэтэж. 

Ар уи щӏэблэм ӏурыпчамэ, 

Къэтӏи мащэ итӏысхьэж. 

Къэтӏысыт сибгъукӏэ, си анэ дыщэ, 

Гущэкъу уэрэдкӏэ къызэӏущащэ.

Сэ псэуэ сиӏэр, ар си анэбзэщ, 

Ар си анэбзэ, си адыгэбзэщ. 

Пщэдджыжь нэхулъэм вагъуэр полъэлъри, 

Къуалэбзуубзэр мэхъур пшынэбзэ,

Бзум и бзэ дахэр сфӏощӏ си анэбзэ, 

Сэ си анэбзэ, си адыгэбзэ. 

Къэтӏысыт сибгъукӏэ, си анэ дыщэ, 

Гущэкъу уэрэдкӏэ къызэӏущащэ. 

Сэ псэуэ сиӏэр, ар си анэбзэщ, 

Ар си анэбзэ, си адыгэбзэщ. 

Жыгей мэзыжьу жьым къигъэушым, 

Ныдэуэршэру псынэр мэушэ,

Псынэ ӏущащэр сфӏощӏ си анэбзэ, 

Сэ си анэбзэ, си адыгэбзэ. 

Къэтӏысыт сибгъукӏэ, си анэ дыщэ, 

Гущэкъу уэрэдкӏэ къызэӏущащэ. 

Сэ псэуэ сиӏэр, ар си анэбзэщ, 

Ар си анэбзэ, си адыгэбзэщ. 

Гъатхэ накъыгъэм щӏыр игъэпсалъэу,

Гулъхэр бэвыгъэу къызэрылъэлъым,

Щӏылъэм ӏурылъыр сфӏощӏ си анэбзэ, 

Сэ си анэбзэ, си адыгэбзэ. 

Къэтӏысыт сибгъукӏэ, си анэ дыщэ, 

Гущэкъу уэрэдкӏэ къызэӏущащэ. 

Сэ псэуэ сиӏэр, ар си анэбзэщ, 

Ар си анэбзэ, си адыгэбзэщ. 

Сэ псэуэ сиӏэр, ар си анэбзэщ, 

Ар си анэбзэ, си адыгэбзэщ. 

Сэ псэуэ сиӏэр, ар си анэбзэщ, 

Ар си анэбзэ, си адыгэбзэщ.