1.
Шӏулъэгъум имэшӏо лыгъэ
Щэбзащэу сыгу хэпкӏагъ
Гъэтхапэм имэфэ нурэ
Сидахэ сыкъыпӏукӏагъ
Припев:
Насыпы закъоу усиӏэшъ
Ренэуи сэ сынэгушӏу
Гукӏэгъу закъоу усиӏэшъ
Ощ пае сынасыпышӏу
2.
Шӏулъэгъур сыгу изыбзэу
Мэкъамэу бгъэгум къыщэкӏ
Жъуагъомэ сэлам ахасхьэу
Чэщыбэ ощ пай къыхэкӏ
3.
Гъэтхапэм имэфэ фабэу
Къэгъэгъэ закӏэу ӏухыгъ
Нысакӏэу иджэнэ фыжьэу
Гушӏопсэу къыспэгъокӏыгъ
4.
Шӏулъэгъу къабзэр пфысиӏэу
Ощ пае сыгу зэӏухыгъ
Сыуажэу гукӏэ сыуаджэу
Гъэшӏэны гугъэм сиӏыгъ.