Уи дыгъэр къепсыжащ

ТЕКСТ ПЕСНИ:

Хьэзаб мыухым уигъэшакъым,

Уи щӏыхьыр лъагэу пӏыгъыжащ.

Уэ уи щхьэ зыми хуэбгъэщхъакъым,

Тхыдэр лӏыгъэм пхуитхыжащ.

Припев:

Ей, си лъэпкъ уардэ, си Къэбэрдей,

Си лъахэ дыщэ, лӏыхъужькӏэ бей!

Зи хабзэ дахэр псоми я лей,

Уи дыгъэр къепсыжащ.

Уи фащэ екӏур бэ зэхыхьэм

Къахэлыдыкӏыу къекӏуэкӏащ.

Уи хабзэ дахэу нэмысзехьэр

Ди нобэм быдэу хыхьэжащ.

Припев.

Гъатхэ щхъуантӏагъэм ещхь уи ныпыр

Дэ лъагэу нобэ тӏэтыжащ.

Къигъэзэжащ уэ уи насыпым –

Уи дыгъэр щӏэуэ къепсыжащ.

Припев.