Дадэ и уэрэд (Фӏыуэ слъагъуу си фызыжь)

ТЕКСТ ПЕСНИ:

Фӏыуэ слъагъуу си фызыжь,

Сэ сыхъуауэ щытми лӏыжь,

Сыщхьэукъуу сыщымыс,

Гъащӏэм куэдрэ согупсыс.

Дыкъытохъуэри дунейм,

Цӏыхур зыкӏи зыхуэмей

Ӏуэху жьгъейхэм дыдахьэх,

Нэхъ ӏуэхуфӏхэм дахуощхьэх.

Аурэ, гъэхэр "мэхь-мэхь",

Зэман псыдзэм жыжьэ ехь,

Псыхьэлъахуу дыкъонэж,

Ӏэпэм къохъу дыщедзэкъэж.

Уи гум фӏыкӏэ къэкӏыжын,

Зэгуэр гуапу пӏуэтэжын

Куэд блэжьамэ уехъулӏащ,

Жыщхьэмахуэр мис аращ.

Арщи, кхъыӏэ, си фызыжь,

Сытым щхьэкӏи умыгубжь.

Нэщхъыр хъуамэ цӏыхум хуэщ,

Жьыгъэр щӏэхыу къыпполъэщ.

Нэщхъыр хъуамэ цӏыхум хуэщ,

Жьыгъэр щӏэхыу къыпполъэщ,

Жьыгъэр куэду къыпполъэщ.