Автор: Дэгумыкъо Орхан-Темиркан
Категории: адыгейские песни
ТЕКСТ ПЕСНИ:
Адыгэ хэкур тэ къытэджэжьы,
Адыгэ лъэпкъыр тэгумэкӏы,
Адыгэ хэкоу нартыжъ хэгъэгум
Тыпэчыжьэу тигъашӏэхэр шӏокӏы.
Ӏаеми дахэми, ар сэ сихэку,
Баими тхьамыкӏэми, сэ сихэку.
Тянэжъ ихэку, уей, тятэжъ ихэку,
Тщыгъупшэжьынэу амал иӏэп.
Ай, сиорэд ар, сиорэд ар, сиорэд ар!
Сыдэуи удаха, си Адыгей,
Сыдэуи угуапа, е, си дуней,
Сыдэуи удаха, си Адыгей,
Сыдэуи угуапа, си Къэбэрдей!
Сыдэуи улъага, ти Ӏошъхьэмаф,
Ӏошъхьэмафэми кӏэлъырысхэр.
Ӏаеми дахэми, ар сэ сихэку,
Баими тхьамыкӏэми, сэ сихэку.
Тянэжъ ихэку, уей, тятэжъ ихэку,
Тщыгъупшэжьынэу амал иӏэп.
Ай, сиорэд ар, сиорэд ар, сиорэд ар!
Е, мамыр бзыухэуи, тхьаркъо фыжьхэ,
Марджэ, тыхэку тыжъугъэбыбыжь,
Тичӏыгу налъэу тиошъо къаргъоми
Ӏаплӏэхэр етэжъугъэщэкӏыжь.
Ӏаеми дахэми, ар сэ сихэку,
Баими тхьамыкӏэми, сэ сихэку.
Тянэжъ ихэку, уей, тятэжъ ихэку,
Тщыгъупшэжьынэу амал иӏэп.
Ай, сиорэд ар, сиорэд ар, сиорэд ар!
Къиныбэ хэтыгъэу тинахьыжъхэм,
Непэкӏэ дунаим темытыжьхэм,
Адыгэ лъэпкъым фэгумэкӏыгъэхэм
Яосыетхэр тэжъугъэцэкӏэжь.
Ӏаеми дахэми, ар сэ сихэку,
Баими тхьамыкӏэми, сэ сихэку.
Тянэжъ ихэку, уей, тятэжъ ихэку,
Тщыгъупшэжьынэу амал иӏэп.
Ай, сиорэд ар, сиорэд ар, сиорэд ар!
Источник: Тыркуем ис адыгэхэр
Ключевые слова: сихэку кIас, сихэку кlас, сихэку к1ас хэку уэрэда