Орзэмэджрэ Сэтэнаерэ язэфэус

ТЕКСТ ПЕСНИ:

- Ор къыздакӀуи, Сэтэнай, риращи, орэда,

- СыбдэкӀотэп, Орзэмэдж, риращи, орэд,

- Ау умыӀо, Сэтэнай? риращи, орэда,

Cыд силажьи, Сэтэнай? риращи, орэд,

- Сыкъыоплъым ушӀуцӀэ дэд, риращи, орэда,

Cызэплъыжьыми сыфыжьы дэд, риращи, орэда,

Тау хъумэ сыбдэкӀон? риращи, орэда.

Ау умыӀо, Сэтэнай, риращи, орэд,

Тимэлымэ фыжь ахэт, риращи, орэда,

Фыжьэу ахэтыми шӀуцӀэ къелъф, риращи, орэд,

ШӀуцӀэу ахэтыми фыжьи къелъф, риращи, орэда,

Ор къыздакӀуи, Сэтэнай, риращи, орэд,

- СыбдэкӀотэп, Орзэмэдж, риращи, орэда,

- Сыд силажьи, Сэтэнай? риращи, орэд,

- УипэӀожъи шъхьалыпхъэнкӀ, риращи, орэда,

Уицыежъри кӀэблэ-патхъ, риращи, орэд,

Псыцушъо ныкъори уицокъапхъ, риращи, орэда,

- Ау умыӀо, Сэтэнай, риращи, орэд,

Айми мэзым сархэкӀошъ, риращи, орэда,

Ор къыздакӀуи, Сэтэнай, риращи, орэд.

- СыбдэкӀотэп, Орзэмэдж, риращи, орэда,

- Ау умыӀо, Сэтэнай, риращи, орэд,

Уишъхьацыри бырыбэу, риращи, орэда,

УибыдзитӀури тэмаоу, риращи, орэд,

Къохъо шъузэу уязгъэхьын, риращи, орэда,

- Сябгъэхынэп, Орзэмэдж, риращи, орэд,

Орзэмэджри ра къэкӀожьи, риращи, орэда,

Нэчахьыщым етӀысхьэжь, риращи, орэд,

Орзэмэджри ра си, риращи, орэда,

Нарт елъфыри зэфэси, риращи, орэд,

Орэзэмэджыри къыращи, риращи, орэда,

ИшъхьакӀори къырагъаӀуи, риращи, орэд,

- Хэт, хэт? – къызаӀом, риращи, орэда,

- Ерыгуанэу пэӀешху, - аӀуагъ, риращи, орэд,

- Лъэхъу-лъэушъэу шъулъынэс, риращи, орэда,

Елбэтэуи къэжъугъэс, риращи, орэд,

Лъэхъу-лъэушъэу лъынэсыхи, риращи, орэда,

- Ергуанэу пэӀешху, - аӀуагъ, риращи, орэд,

Нарт елъфи зэӀукӀагъ, риращи, орэда,

Нарт елъфи къыуадж, риращи, орэд,

- Сишмэ япчъагъэр шъушӀэрэп, риращи, орэда,

- Мышхъо-мышхъоу пшӀыкӀуй, риращи, орэд,

КӀэ зэндэжъэу пшӀыкӀубгъу, риращи, орэда,

Уишмэ япчъагъэр джары, риращи, орэд,

Ергуанэу пэӀешхор риращи, орэда,

Къохъуанэжъым къешэси, риращи, орэд,

- Фыгу щыуанищымрэ, риращи, орэда,

Къонэкулъы шъиимрэ, риращи, орэд,

СифыгукӀэпапкӀ, - ыӀуи, риращи, орэда,

Ергонэжъыр къынэсыгъ, риращи, орэд,

Нарт елъфи зэфищэси, риращи, орэда,

Орзэмэджи, ра къахищи, риращи, орэд,

ИшъхьакӀори къыригъаӀу, риращи, орэда,

Ергонэжъи ра ежьи, риращи, орэд,

Нарт елъфи ра лъежьи, риращи, орэда,

Сэтэнай-гуащэмди нэси, риращи, орэд,

Щагъындакъи Ӏуаут, риращи, орэда,

Абрэмыжъуи Ӏуагъэчъ, риращи, орэд,

Сэтэнай-гуащэр къыдапхъот, риращи орэда,

Ышъхьэцыри бырыбэу, риращи орэд,

ИбыдзитӀури тэмаоу, риращи орэда,

Сэтэнае-гуащэр ра къахь, риращи, орэд,

- Орзэмэджэу, дышъэ шыу, риращи, орэда,

Къохъо шъузэу сямыгъэхь, риращи, орэд,

Орзэмэджэу, дышъэ паӀу, риращи, орэда,

Къохъо шъузэу сямыгъэхь! риращи, орэд,

Сэтэнай-гуащэр къынахьыси, риращи, орэда,

Къохъуанэжъыри зэгуаути, риращи, орэд,

- Нарт елъф, шъуинысэ ихъяр шъолъэгъу, риращи, орэда,

ШъхьакӀо сиӀэу сэкӀожь, - ыӀуи, риращи, орэда,

Ергонэжъыр еушъыжьыгъ, риращи, орэд.