1.
Тихэгъэгу кӀасэу тигупсэр
Адыгэ чӀыгушъ терэӀ.
Зы бын унагъоу лъэпкъыбэр
ЩызэгурыӀоу щэрэӀ.
Припев:
ШӀум факӀу, лъыкӀуат,
Республикэу тиунэ дах.
Егъэхъу, зыӀат,
Республикэу тигугъэ лъаг -
Уилъэпкъи хъишъэр фэӀуат.
2.
Дунаим ичӀыпӀэ шӀагъор
Нахьыжъмэ тэ къытфыхах,
Ахэмэ ялӀыгъэ-шӀагъэ
ЛӀэшӀэгъумэ къызэӀэпах.
Припев.
3.
Хьэзабмэ уахэмытыжьэу,
Уитыгъэ нэфи пшъхьащыт.
Россием зыкӀэ ущыщэу
Ащ гукӀи ущышъхьафит.
Припев.
4.
Тэ тыщэӀэфэ - егъашӀэм! -
ТичӀыгоу тыгур щыӀэщт,
Тиуашъуи тыгъи бэгъашӀэ
Тфэхъоу тикӀасэу тиӀэщт.