Зазэ цӏыкӏу

ТЕКСТ ПЕСНИ:

Зазэ цӏыкӏури пшъашъэу щыс,

Яри икъори ипсэлъыхъу.

Янэ-ятэмэ яриӏуагъ,

Къаратынэуи яриӏуагъ,

Янэ-ятэмэ къыраӏуагъ,

Къырамтынэуи къыраӏуагъ.

Янэ-ятэмэ яриӏуагъ,

Къырамытми яфэраз.

Зазэ цӏыкӏумэ пӏалъэр къет,

Яри икъори ай екӏуалӏ.

Тхьар къысауи уизэкъуабз!

Закъоныгъэри тхьам икӏас!

Сэ сигъусэуи умыщын!

Яри икъори къэшэсыжь,

Зазэ цӏыкӏури къэкӏэсыжь.

Мэзы къуапэм къызысми,

Къуалэбзыухэри хэо-хэпкӏ,

Ихэкӏожъыри къыкӏагъэпкӏ.

Зазэ цӏыкӏури къефэхи,

Шӏым нэмысэуи ипсэр хэкӏ.

Тхьар къысауи, сыд силажь?!

Тхьар къысауи, тэ усхьын?!

Шъо шъуиунэмэ усхьыжьын?

Зэкъошиблыр бланэм фэд!

Тэ тиунэмэ усхьынти,

Сяну дахэмэ къысиӏон:

Чылэ кӏалэмэ нысэ къащ,

Сэ сикӏалэмэ хьадэ къещ.

Чъыгы шъхьапэмэ упыслъхьэн?

Къуалэ бзыумэ усшӏуахьын!

Чъыгы шӏэгъымэ укӏэслъхьан?

И мэзыхьэмэ усшӏуахьын!

Шӏы гъошӏэгъымэ укӏэслъхьан?

Хьацӏэпӏацӏэмэ усшӏуашхын!

Тыжьын къамэр и къазму,

Ӏэхъомбипшӏыри ихьанцэу,

Шӏы гъошӏэгъымэ ар шӏелъхьажь.

Пхъэ цуакъитӏури къытрелъхьажь.

Яхьакӏэщми къекӏолӏэжь.

Къамыл пщынэмэ къырегъэкӏ,

Иш нахьыжъми зэхешӏыкӏ.

Иш нахьыжъми къыриӏуагъ:

Псаоу щытмэ, тэ тиныс!

Хьадэу щытми, тэ тихьад!

Къуаджэ кӏалэри ягъэшэс,

Мы гъошӏэгъымэ къышӏахыжь.

Я хьакӏэщми кърахьэлӏэжь.

Яну дахэмэ къариӏуагъ:

Тхьар къысауи, сыд силажь?!

Чылэ кӏалэмэ нысэ къащ,

Сэ сикӏалэмэ хьадэ къещ!

Хьадэ мыгъэпкӏыри ягъэпкӏыжь.

Шӏы гъошӏэгъыми ар шӏалъхьажь.

Яри икъор къыгуалъхьэжь.