ТЕКСТ ПЕСНИ:
Дунейшхуэри сфӏэмыинт
Цӏыху тетыр токӏуэдыкӏ
Тенджызитӏым къыхих пшагъуэр
Ди унапӏэурэ губгъуэм дисщ.
Си шы гъуабжэурэ сызытесыр
Мэз пэщащэм щыщыщащ
Ӏэщэ-фащэу сэ скӏэрылъхэр
Командирхэмэ скӏэрахай.
Си шы гъуабжэурэ сызытесыр
Мы кумбыжь мыгъуэм изогъалъэр
Шури лъэсри сэ къызэлъэу
Мы кумбыжь мыгъуэм сыкъыдэнай.
Мы кумбыжь мыгъуэу сызэрылъым
Самалютыр къысщхьэщытщ
Зи адэ-анэхэр къыщхьэщыту
Зи псэ хэкӏым мыгъуэм тхьэр етай.
Сэ си гъусэурэ уэр Хьэмид
Гъащӏэр уиӏэмэ укъэкӏуэжынщ
Ущыкӏуэжкӏэрэ дыдей дыхьи
Си кӏуэдыкӏэри схуажеӏэж.
Си шыпхъуфӏурэ Фатӏимэтым
Унэр дахэу къыриикӏт
Мы кумбыжь мыгъуэу сызэрылъыр
Лъы фӏыцӏэжькӏэрэ къизикӏа.
Си шыпхъуфӏурэ Фатӏимэтым
Укъысхуэщыгъыуи умытӏыс
Пшынэ фӏыцӏэри уи ӏэплъэм идзи
Гъыбзэ дахэм тӏэкӏу дежьу.
Мы кумбыжь мыгъуэу сызэрылъыр
Удэплъей уафэхъуэпскӏ
Джанэзэпскӏэрэ самыгъэпскӏыу
Лъы фӏыцӏэжь мыгъуэм сигъэпскӏай.
Си гукъеуэри къэстхынут
Си ӏэ ижь мыгъуэри спымытыж
Сытэджынурэ сыкӏуэжынут
Си куэ ижь мыгъуэр сгуэмытыж.
Си шыпхъуфӏурэ Фатӏимэт
Си кӏуэдыкӏэри уигу игъэлъ
Ди къуажэ кхъэми сыщӏэлъатэм
Ублэкӏыхукӏэрэ уреплъэкӏынт.
Шэ шынакъыр къыщискӏутым
Шэ къыптихуэ къызжепӏай
Германышэри къыщыстехуэм
Жыпӏа псалъэри сигу къэкӏай.
Пщэдджыжьыпэм сыпсыкъэхь
Пщыхьэщхьэпэм сы пхъэкъутэт
Шхэгъуэ хъууэ цӏыху щытӏыскӏэ
Хужьэ дейкӏэрэ срокӏуэкӏыж.
Фӏыуэ слъагъурэ Лодэ цӏыкӏу
Удэмыкӏуэу ущымыс
Дэнкӏэ укӏуэми си алошыр
Си фэеплъурэ зыщӏэгъэгъу.
Уой рирай рирэ уой рирай
Уой рирай рирэ уой рира
Уой рирай рирэ уой рирай роу
Уэр Къуэдзэукъуэхэ Тӏолэ цӏыкӏу.
Уой рирай рирэ уой рирай
Уой рирай рирэ уой рира
Уой рирай рирэ рирэ уой рай
Уэр Къуэдзэукъуэхэ Тӏолэ цӏыкӏу.