Елэ-елэ (Хьэнцэгощэ орэд)

народная песня

ТЕКСТ:

О, елэмэ сишъэо нашхъуи,

Шъэо нашхъор къоепсы рагъашъо,

Гъуитхы къыщыгъуагъоу,

Лыгъотхы къыщегъэщха.

О, елэрэ зэрэтфэмафэ.

Хьанцэгуащэр зэтеща,

Я Аллэхь, къегъэщха,

Хьанцэгуащэр зэтеща,

Я Аллахь, къегъэщха.

Ныхэтхы шыблэр щыгъуагъо,

Лыгъотхы къыщегъэщха,

О, елэрэ ялэу,

О, елэмэ сишъэо нашхъо.

Шъэо нашхъор къоепсы рагъашъо,

Ныхэтхы шыблэр щыгъуагъо,

Лыгъотхы къыщегъэщха.

О, елэрэ зэрэтфэмафэу,

О, елэрэ ялэу,

Хьанц-хьанц-хьанцэгуащэр зэтеща,

Я Аллахь, къегъэщха (ыужрэ сатыритӀур тӀо къэпӀощт).

Кобл Къадырхъан къыӀоу 1976-м атхыгъ// КБИГИ-м ифонотекэ щыщ

Адыгэмэ ятхьэбэ, дин щыблэм чӀыпӀэшхо щеубыты, ащ епхыгъэ Ӏофыгъо ащыщ щыблэуджыр, щыблэр зыогъэцӀыфым чъыгым е псаушъхьэм огъурлы аӀоти орэдыкӀэ тепкӀэхэу хэбзагъэ, ар тхьэлъэӀу папкӀэу агъэцакӀэ щытыгъэ. огъу зыхъукӀэ хьанцэгуащэ къызэращэкӀыри ощх къырагъэщхынэу орэдхэр къызэраӀохэхэри щыблэм къешӀыкӀыгъэфэ Ӏофы ашӀымэ ащыщых. Щыблэм ычӀыпӀэ чыристян диным къыхэкӀыгъэ шейхъэу Илыя ыцӀэ, Адыгэ къэӀуакӀэкӀэ Елэ, хьэнцэгощэ орэдмэ бэрэ къахэфы. Елэ Елэ зэфиӀорэ орэдым щыблэр кӀэлэ нашхъо къегъэлъагъо, джы къызнэсыгъэми огъу зыхъукӀэ, хы Ӏушъо Шапсыгъэмэ хьанцэгуащэр къыращэкӀы, Елэ Елэр къаӀозэ ощх къыригъэщхынэу тхьашъом елъэӀух.