Къоджэ орэдхэр
ТЕКСТ ПЕСНИ:
Псыцухэр бэдэдэу къыщахъу гущэ шъхьай,
Псыцутхъур зыщамышхыхэ гущэри –
Шъуи Фэдзы дэси...
О, о орира, орира ра,
Орира, орира ра.
Атакъэр зихьакӏэныщы гущэуи,
Ужъгъышъхьэр зикущэрыхъы гущэри –
Шъуи Лэшэпсыни...
Картыбэр щызэблагъэчъы гущэмэ,
Псы чъагъор щырагъэчъэхы гущэри –
Шъуи Кощыхьабли...
Быгъушъор зыщытыратхъы гущэуи,
Тхьэматэр зыщыратхъыхы гущэрэр –
Еджэрыкъуаи…
Фэрзэ напэ шъузэлъытесы гущэмэ,
Соколов къэсымэ шъомэхы, гущэри –
Джыракъыежъи...
Мэцӏэукӏы аӏошъы къыдэкӏы гущэхи,
ЛIы хыер аукӏышъы дэхьажьы гущэба –
Хьакӏэмызыи…
Чъыгэе дахэхэр къыщэкӏы гущэба,
Пшъэшъабэр кӏыеуи зыщахьы гущэрэр –
Хьакурнэхьабли...
Тхьарыӏор зыщырагъабэ гущэуи,
Кон ныбэр зыщырауты гущэрэр –
Мамыхыгъэжъи...
Хьаджэхэр почтэкӏэ зэращэ гущэуи,
Арестантыбэхэр къыдащы гущэмэ –
Хьатыгъужъыкъуаи...
Натрыфыр бэдэдэу къагъэгъу гущэба,
Къужъ гъугъэр джыбэкӏэ зэрахьэ гущэри –
Къэбыхьэблэжъи…
Къамылышъхьабэхэр къыщашӏы гущэба,
Тучаныр чӏыфэкӏэ ахьыжьы гущэри –
Пщыжъыхьэблэжъи...
Лэгъупыр къызыщагъажъо гущэуи,
Упкӏэ пэӏожъыри къызыщажъуагъэр –
Шъуи Улэпэжъи...
Шъхьарыгъум ибэри къагъэсты гущэба,
Хьакӏэхэр чъыӏэми рестахьы гущэри –
Джамбэчыежъи...
Лэу щырхэр псырыкӏым къыщахъу гущэмэ,
Шъузымэ ахъурэр зихьакӏэныщыри –
Шъуи Хьатикъуаи...
Пэго шъхьакуцӏыри къырашъу гущэмэ,
Къужъ шъугъэм гъоури фагъаджэ гущэри –
Адэмыежъи…
Хьарыпӏэр ацэмэ къадэщы гущэмэ,
Цу пщэрыр яӏэгу къыщекӏы гущэба –
Гъобэкъоежъи...
Мартэжъым шыхэри щагъэпкӏы гущэуи,
Пшъашъэхэр зыщагъэкӏыи гущэри –
Асэкъэлаи...
Хьалыгъу ныкъуажъэр щатыгъу гущэмэ,
Чэт гьолъхьэ кӏэнкӏэкӏэ щыбзаджэ гущэхи –
Понэжьыкъуаи...
Пхъужъ унэм картыми къыщешӏэ гущэхи,
Щыбжьыикъо шъхьалыри къытырашӏахьы –
Шъуи Нэшъукъуаи...
Янысэ жэпкъыми кӏэуцо гущэмэ,
Цу уцуагъэм бэщыкӏэ езао гущэхи –
Джэджэхьэблэжъи...
Яхьэхэр жъуагъоми ехьакъу гущэмэ,
Яныо жэпкъыми рекӏокӏы гущэри –
Тэуехьабли...
Лэучэцӏыр бгъэкӏэ зэрахьэ гущэмэ,
Псыцухъоу дахьэрэр акъузы гущэба –
Къунчыкъохьабли...
Цокъэкӏэдэжъыхэр кӏыпкъым дагъагъори,
Тэкъэ гъугъэжъыхэр лъапэкӏэ хауты –
Пщыкъуихьабли...
Тхьэматэр зыщызэблахъу гущэуи,
Шкӏэхъужъыр зыщызэшӏуакъы гущэри –
Къэзэныкьуаи...
Къэмыкӏыгъэ ӏутӏэным кӏэнэцӏы гущэуи,
Пшъэшъэ пцӏэнабэхэр зыдэсы гущэри –
Нэчэрэзыи…
Пхъэшъабэм ибэри щагъэкӏы гущэмэ,
Шъузабэр зыщагъэкӏыи гущэри –
Едэпсыкъуаи...
Гъатхэми псы ӏушъом шъуӏусы гущэмэ
Бжыхьэми чэщӏускӏэ шъолъаӏо гущэба –
Шэбэнэхьабли...
Къышъулъыхъу гущэрэм ерагъэу шъуегъоты,
Жъугъотырэр Мамыим екъузы гущэба –
Шхьанчэрыйхьабли...
Яцухэр Гъуагъэми къыхэплъы гущэмэ,
Яшъузхэр Псэкъупсы еплъыхы гущэхи –
Пкӏыхьалӏыкъуаи...
Псэкъупсы кӏахьэуи шъуӏусы шъхьаекӏэ,
Сэламыр зигъомлапхъэ гущэри –
Шъуи Очэпщыи…
Дэ чъыгыжъыбэхэр зыдизы гущэуи,
Самовар нэкӏыри къызыщагъажъорэр –
Хьалъэкъоежъи...
Яцухэр псыуцым фагъалӏэ гущэмэ,
Ялӏыхэр мэзыми хэлӏахьы гущэхи –
Лахъщэкъоежъи...
Ялӏыжъмэ тэкъэ гъэгъугъэр хауты,
Яныо чэткъуртэр егъашхэ гущэба –
Тыгъурыгъои…
Мэлахъом ишыкӏэ щыпабзы гущэри,
Хъыджэбзыр лъапӏэуи щащэфы гущэмэ –
Шъуи Щынджыежъи...
Ялӏыжъхэм къолэпсыр къырашъу гущэуи,
Ешъоныр зикӏасэр якӏалэ гущэба –
Тэхъутэмыкъуаи...
Шыхьарым пэблагъэу шъущысы гущэмэ,
Шъуиконы гъэжъуацэ имылъы гущэри –
Козэтыжъ цӏыкӏуи...
Апакӏэ инэуи къагъэкӏы гущэмэ,
Къалэми екӏыхэшъ щэшакӏо гущэхи –
Бжыхьакъоежъи…
Яцухэр ӏубзырым егъалӏэ гущэхи,
Ялӏыхэр кутакъэм телӏахьы гущэмэ –
Бжыхьэкъоякӏи...
Хьантӏаркъор жантӏэми дагъэсы гущэмэ,
Япсынэ дагъэри тыракӏэ гущэба –
Шъуи Афыпсыпи...
Къожъы тхьакӏумэри яцокъэщылъэуи,
Къолъакъор ядэпкъыдасэ гущэмэ –
Шъуи Хьащтыкужъи...
Мамунэр къызщагъашъо гущэуи,
Шкӏэжъышъор зыщытыратхъы гущэри –
Шъуи Пэнэхэси...
Нысэмэ коцыри къалъэсы гущэмэ,
Лъынэпсыр зыщырагъэхы гущэрэр –
Шъуи Псэйтыкужъи…
Источник: Bjami Radio
ключевые слова: зихьак1эныщы