народная песня
Категории: кабардинские песни
ТЕКСТ ПЕСНИ:
1.
И бжьамиижьыр жьыуэ къегъаджэ,
И мэл гуартэшхуэр джабэм кӏэрехуэ.
Нартхэ Амыщыжьри си псэлъыхъукъэ,
Бэрэ къыслъыхъуами, сыхуэмейкъэ!
2.
Дагъэр и нэкӏум къыревыкӏ(ы)ри,
И пщэм мэл хьэпӏатӏэри кӏэрымыкӏи.
Нартхэ Амыщыжьри си псэлъыхъукъэ,
Бэрэ къыслъыхъуами, сыхуэмейкъэ!
3.
Мафӏэр и ӏэгум къолыдыкӏыри (или къолыдыкӏыр, уой),
Зэпэлыдыкӏыри и ӏэщӏагъэщ.
Нартхэ Лъэпщ къанри си псэлъыхъукъэ,
(или Нартхэ гъукӏэжьри си псэлъыхъукъэ,)
Бэрэ къыслъыхъуами, сыхуэмейкъэ!
4.
Пщэдджыжьым си къалэнщи узогъэпскӏри,
Пщыхьэщхьэ къэскӏэ хэт усхуигъэпскӏын?
Нартхэ Лъэпщ къанри си псэлъыхъукъэ,
(или Нартхэ гъукӏэжьри си псэлъыхъукъэ,)
Бэрэ къыслыхъуами, сыхуэмейкъэ!
5.
Курпыщхьэ бжьэпэ укъыщоуэри
(или Афэбгыщхьэ уохьэри, укъыщоуэ),
Джылызэ нэсыжари еблыгъуэхщ жи
(или Тӏуащӏэм дыхьэжари еблыгъуэхи).
Нарт Щэбэтыныкъуэри си псэлъыхъукъэ
(или Нартхэ Бэдынокъуэри си псэлъыхъукъэ),
Бэрэ укъыслъыхъуми, сыпхуэмейкъэ!
6.
Гъуэгыгъуащэри бадзэуэгъуэ щакӏуэри зэдохьри,
Губгъуэм уит зэпытщи, сыпхуэмейкъэ.
Нарт Щэбэтыныкъуэри си псэлъыхъукъэ,
(или Нартхэ Бэдынокъуэри си псэлъыхъукъэ),
Бэрэ укъыслъыхъуми, сыпхуэмейкъэ!
7.
Цей ӏэфракӏэ щэщӏыр лъэпэд пхуримыкъу,
Уэ цей пхурикъуни сэ хэт езгъэджын?
Нартхэ Арыкъщауэри си псэлъыхъукъэ,
Бэрэ укъыслыхъуми, сыпхуэмейкъэ!
8.
Лъэбыцэжьейри си псэлъыхъукъэ
(или Тӏуащӏэм дэсри си псэлъыхъукъэ),
Бэрэ укъыслъыхъу щхьэкӏэ, сыпхуэмейкъэ!
Шэпсыранэ жэпкъым ухэкӏуадэм,
Пхъэ вакъэ шууэ дэнэ укъисхыжын?
9.
Афэ гъуэншэджиблыр къегъэлажьэ,
И къаугъэ лажьэми дэ димыкӏи.
Нарт Ехъутэныджыжьри си псэлъыхъукъэ,
Бэрэ къыслъыхъуами, сыхуэмейкъэ!
10.
Шы джэмыдэжьыр хым нытырехуэ
Кхъуэ къуэлэн щийри и зэ къэхугъуэщ.
Къанж и къуэ Щауей си псэлъыхъукъэ,
Бэрэ къыслъыхъуами, сыхуэмейкъэ!
И анэр нэрыбгейщи, сезэгъынукъым!
11.
И Тхъуэжьей цӏыкӏур лъэбышэ мащӏэщ,
Езы цӏыкӏур жырщи, ӏэщэхуэфӏкъэ.
Нартхэ Сосрыкъуэри си псэлъыхъукъэ,
Бэрэ къыслъыхъуами сыхуэмейкъэ!
Лъэпэкӏэрыхъщ, жэмыхъуэрылъхущ,
Мывэм къилъхуами, сыхуэмейкъэ
(или Фыз псэжьым къилъхуащи сыхуэмейкъэ,
или Фызым я нэхъ псэжьым къилъхуагъэххэщ).
Нартхэ Сосрыкъуэри си псэлъыхъукъэ,
Бэрэ къыслъыхъуами, сыхуэмейкъэ!
12.
И шы пэхушхуэр насэ-пасэщ,
Езы цӏыкӏур есщи, ӏэщэхуэфӏкъэ.
Ашэм и къуэ Ашэмэзыр си псэлъыхъукъэ,
Зы шу къыслъигъэхъуми, сыдэкӏуэнут!
13. (ответ Ашамаза)
Емыщӏэхэ гуащэм уэ урипхъу кӏасэт,
Удиблым я кум ущагъэсат.
Нарт щауэфӏу исхэми уахуоусэ,
Бэрэ усхуэусэми, сыпхуэмейкъэ.
Уи ӏуданэ-мастэр зэкӏэлъымыкӏуэщ,
Лэум и быдзыжьу ушхуэлкӏыхькъэ
(или Уи жьэ къемыкӏуэ къэнэжакъым)!
Хабзэншэу зекӏуа жи, сыпхуэмейкъэ (может отсутствовать)!
14.
Тэджэлей цӏыкӏур, дыщэ мэӏури,
Лӏыгъэкӏэ зыбгъэӏу щхьэкӏэ, улӏымыхъукъэ!
Ашэм и къуэ Ашэмэзыр си псэлъыхъукъэ,
Бэрэ укъыслъыхъуми, сыпхуэмейкъэ!
Источники: книга Кардангушева З. П. «Адыгэ уэрэдыжьхэр», книга «Нартхэр» под ред. Х. Кармокова.