Шэджэмокъуэ Хьэсанш и уэрэд
народная песня
(из книги З. Кардангушева "Адыгэ уэрэдыжьхэр")
ТЕКСТ ПЕСНИ:
Уо-уо, и гугъэмрэ, рэуэ ией,
Уэукъэ рэуэ ией, и жеймрэ, уей дуней, адэ щӏэиныфӏт.
Уо-уо, фӏым дыщыгугъыурэ, рэуэ ией,
Уэукъэ рэуэ ией, махуэри, дуней, къытщӏозэрыхь.
Уо-уо, махуэри, уей дуней, зыщӏэзэрыхьри,
Уэукъэ рэуэ ией, Шэджэмокъуэм и къуэкӏэ Хьэсаншт.
Уо-уо, Хьэсаншкӏэ зэджэри,
Уэукъэ рэуэ ией, а махуэм, дуней, лӏы фӏыцӏэ ест.
Уо-уо, лӏы фӏыцӏэ ес щхьэкӏэрэ,
Уэукъэ рэуэ ией, а махуэм жыгыщхьэрыст.
Уо-уо, жыгыщхьэрысти, рэуэ ией,
Уэукъэ рэуэ ией, алътес къэпталыр зигъэкӏэрахъуэурэ елажьэ.
Уо-уо, ищхъэрэкӏэ маплъэри,
Уэукъэ рэуэ ией, а махуэм фӏыгъагъэжьыбэр къелъагъур.
Уо-уо, фӏыцӏагъэжьыбэурэ илъагъур,
Уэукъэ рэуэ ией, хьэжэбэжащэкӏэ а махуэм фӏэкуэдкъэ.
Уо-уо, хъунщӏэ къэщӏынкӏэ, рэуэ ией,
Уэукъэ рэуэ ией, а махуэм Хьэсаншым фӏэмащӏэт.
Уо-уо, зыфӏимыгъэщӏурэ, уэрэ, рэуэ ией,
Уэукъэ рэуэ ией, пцӏэгъуэплъ пхэщӏыбгъуэр нызэщӏекъузэ.
Уо-уо, нэгъуей фызышэти, рэуэ ией,
Уэукъэ рэуэ ией, Хьэсаншым зыкъыуегъащӏэ.
Уо-уо, "хэтхэ уащыщ?" - жари,
Уэукъэ рэуэ ией, нэгъуей фызышэр Хьэсаншым къоупщӏыр.
Уо-уо, "хэтхэ сащыщми, рэуэ ией,
Уэукъэ рэуэ ией, нобэр махуэщи зывэзгъэщӏэнщ" жи.
Уо-уо, пцӏэгъуэплъым ноуэри,
Уэукъэ рэуэ ией, вагъэбдзумищым шы лъабжьэм хыфӏрегъадзэ.
Уо-уо, шы бгъуэщӏым зыныредзэжри,
Уэукъэ рэуэ ией, и сэгъындакъыр зэфӏэдзагъэхэт.
Уо-уо, я гупхъэтӏэкӏумрэ, рэуэ ией,
Уэукъэ рэуэ ией, я гулъэмыжымрэ Хьэсаншым зэтреӏулӏэ.
Уо-уо, нафӏрехулӏэри, рэуэ ией,
Уэукъэ рэуэ ией, къэдабэ гущхьэр яфӏытредзыр.
Уо-уо, Дадусэ дахэри, уей дуней,
Уэукъэ рэуэ ией, и пщэрыдзэнурэ банэпцӏэ чом нафӏыхохьэжыр.
Уо-уо, къурашэмрэ, уей дуней, къурапцӏэмрэ,
Уэукъэ рэуэ ией, банэпцӏэ чоти лыгъае мафӏэр нрадзыр.
Уо-уо, "зыхэздзыжынути, уей дуней,
Уэукъэ рэуэ ией, а махуэм "ӏэжьэгъур" си бэт!"
Уо-уо, Хьэсаншкӏэ зэджэми,
Уэукъэ рэуэ ией, и бзэ плъыжьитӏыр мэцӏычэ.
Уо-уо, и бзэ цӏыч макъмэ, уей дуней,
Уэукъэ рэуэ ией, а махуэм лъэкӏампӏэр щӏегъащӏэ!
Уо-уо, урыс хъыджэбзхэр, уей дуней,
Уэукъэ рэуэ ией, а махуэм зыхуагъэлъагъуэ!
Уо-уо, мы лъагъуэ закъуэмэ, уей дуней,
Уэукъэ рэуэ ией, а махуэм лъыпсые жагъуэр трашэ!
Уо-уо, пхъафэр зи шырыкъужьхэри,
Уэукъэ рэуэ ией, къуэ нэфмэ къызэрыдохыр!
Уо-уо, Иуанымрэ Иуашкӏэмрэ,
Уэукъэ рэуэ ией, а махуэм зи ныбжьэгъу щӏасэ!
Уо-уо, зи тыхь щӏасэри, уей дуней,
Уэукъэ рэуэ ией, зи кхъахэм щагъэтӏылъыжыр Шэджэмокъуэм и къуэкӏэ Хьэсаншт!