О унитӀу

ТЕКСТ:

1.

О унитӏур сыгум итӏысхьагъэшъ,

Тэ сыкӏоми ренэу сэ сигъусэх.

Сэ сшӏоигъоу ахэр къахэсхыгъэшъ,

Сиорэд пэублэу сафэусэ.

Припев:

О унитӏу, о унитӏу

Анахь дахэ щымыӏ.

О унитӏу, о унитӏу

Шъэфы ӏаджи къысаӏу.

2.

О унитӏур тэди щысэшӏэжьы:

Къэгъагъэмэ гушӏохэу къахэплъы,

Жъогъо быным чэфэу пэгушӏожьых,

Хычӏэ къаргъом лыдыхэу къычӏэплъы.

Припев.

3.

О унитӏур гуфабэм игъунджэу

Зэрэпсаоу дунаир къарэщы.

Ахэр сымылъэгъумэ рэхьатыдджэу

Уахътэр сэ исэхи, бэу сэзэщы.

Припев.

4.

Нурэ дахэр унитӏу къакӏехы,

Тыгъэм инэбзыйхэри къакӏэпсы.

Сагъэгушӏоу пкӏыхьапӏэу сэлъэгъух,

Сишӏулъэгъуи ӏэзэгъоу фэхъугъэх.

Припев.