И анэ еплъи ипхъу къашэ
ТЕКСТ ПЕСНИ:
Хъуащ си къэшэгъуи, зыбжанэ щӏауэ,
Цӏыхум хуэмыхьыр ди деж сагъэхь.
Сщӏынур сымыщӏэу нобэ щыкъуанэ,
Къуажэ фызыжьым саныхоплъыхь.
Припев:
И анэ еплъи ипхъу къашэ — адыгэ псалъэжь!
Фыз къыщытшэм утщогъупщэж, уой.
И анэ еплъи ипхъу къашэ — адыгэ псалъэжь!
Фыз къыщытшэм утщогъупщэж.
Нанэхэр дыщэщ, дагъуэ ямыӏэ,
Укъимыкӏуэту малъхъэ захуэщӏ.
Екӏухэщ, зэкӏужхэщ хуэдэ щымыӏэ,
Уи нэр уфӏыцӏи ӏэпэ яхуэщӏ!
Припев.
И анэм ещхьу къэсшащ нысащӏэ,
Ныбжьэгъухэм жаӏэ: «Къыхиудащ»!
И жьэр зэщӏихым дыкъыхегъащӏэ,
Жьантӏэри пасэу плъапӏэ тфӏищӏащ.
Припев.
Сщӏащ сэ щхьэгъусэ зыбжанэ щӏауэ,
Цӏыхум хуэмыхьыр абы сегъэхь!
Ещхькъым нысащӏэр зыкӏи и анэм,
Уфӏэфӏыхункӏи щӏы уэ хэплъыхь!
Припев.
Хъуащ си къэшэгъуи, зыбжанэ щӏауэ,
Цӏыхум хуэмыхьыр ди деж сагъэхь.
Сщӏынур сымыщӏэу нобэ щыкъуанэ,
Къуажэ фызыжьым саныхоплъыхь.
Припев.
Скачать MP3 в исполнении Азамата Хамурзова
ключевые слова: мальхьэ