Синэфын

1.

Гъэтхэ пасэр гум къыщэжьэ 

Насып жъуагъоу къыпфэсхьын 

Шӏулъэгъу шъабэм гуӏэу сежэ 

Гуапэм сехьы синэфын 

Лъэгъуныгъэр уиунаеу 

Мы дунаер, сэ пфэсшӏын? 

Адэ сыда, нэр бгъэӏаеу 

Укъэплъагъи, синэфын? 

2.

Къэгъагъ дахэу укъысфэкӏы

Гум хэпкӏагъэу синэфын 

Нэмыкӏ кӏалэ къыпфыкъокӏы 

Сигумэкӏи тэ схьыжьын 

Адэ сыда, умыдагъэр? 

Нэплъэгъу шъаби къыптесӏагъ 

Къэгъагъ дахэм уфэзгъадэу 

Укъэмыплъэу сыгоӏагъ 

3.

Сишӏулъэгъуи хьаолъыеу

Синасыпи сӏэпихыгъ 

Былымыпсэм урибаеу 

Мылъку зиӏэр къахэпхыгъ 

Адэ сыда мы дунаир 

Губжыгъаймэ, къыбдэхъун 

Лъэгъуныгъэр, джы, сэ згъаеу 

Сыкъэнагъи, синэфын.