Зэхьэджокъуэ Чэрэчанэ и уэрэд

ТЕКСТ ПЕСНИ:

Ядэр Зэхьэджокъуэт,

И къуэри Чэрэчанэ гущэти, уэ, щэджащэт!

Ар езыр щэджащэт,

Ареда, нартхэ я лъагъуэ гущэми, уэ, урокӏуэ!

Ядэмэ и унэмэ,

А дуней, хъанышхуэ шу гущэхэри, уэ, щепсыхырт.

Истамбыл къраххэр,

А дуней, щӏэмылъэӏуххэ гущэуи, уэ, зрат.

Дзэшхуэм уащыхэткӏэ,

А дуней, упщӏэж и бащэ гущэри, уэ, къыуахьэлӏэрт.

Ар бгъэ мэжэщӏалӏэт,

А дуней, бийхэм я ӏуащхьэ гущэми, уэ, ноущэ.

Хуарэжьмэ, уэ, уэ, тести,

А дуней, къутас пщӏэхэлъ гущэти, уэ, мэдалъэ.

Къуажэм щамылъагъу,

А дуней, мы щӏыпӏэ жыжьэ гущэми, уэ, щӏоупщӏэ.

Жанхэр ираупщӏэри

Жырмэ къыхапсыхьыкӏ гущэри, уэ, зи шащхьэ.

Лӏыхъумэ я щхьэнэпкъхэр,

А дуней, тхутезыкъутэ гущэри, уэ, зи джатэ.

Зауэшхуэм хокӏуатэри,

А дуней, я нэпкъпэпкъ гущэри, уэ, дегъакӏуэ.

Хъанмэ деж догъакӏуэри

И жьэмэ къыжьэдэкӏ псо гущэри, уэ, къыхуещӏэ.

Зекӏуэшхуэри къащӏ,

А дуней, Лъэпщыр зи къан гущэми, уэ, къеухуэ.

Ар нэбэжэ кӏэхухэри,

А дуней, сэгъындакъышэ гущэми, уэ, здешэ.