Шэбатыныкъо иорэд (бжедугская версия)
народная песня
ТЕКСТ:
Ӏ
Нарт Шэбатыныкъуа, рирарэ-ща,
Шэбатыныкъопщыя, рирарэ-ща,
Ябгэр ишӀыхьафыя, рирарэ-ща,
Ор хьафынчъэ шыуя, рирарэ-ща.
Тенэ къырыгъуазыя, рирарэ-ща,
Гъуазэ къырыдэкӀыя, рирарэ-щ,
Тенэ иикӀыгъоми, рирарэ-ща.
ИлъэрыгъыпситӀори, рирарэ-ща.
Ай къыщызэбледзыя, рирарэ-ща,
Тенэ зыкъыхедзыя, рирарэ-ща.
Адэмэ, къисыкӀыгъа, рирарэ-ща,
Изыгужъы нэкӀыми, рирарэ-ща,
Ар къыреузанкӀыя, рирарэ-ща,
Нартмэ ячэмахъоми, рирарэ-ща.
Шъофым къыщыӀокӀыя, рирарэ-ща.
Чэмахъор:
- Нарт Шэбатыныкъу, рирарэ-ща,
Шэбатыныкъопщыя, рирарэ-ща.
Зышъхьэр тымылъэгъоуи, рирарэ-ща,
Зигугъум тигъалӀэрэр, рирарэ-ща.
Еблагъэ-еблагъэри, рирарэ-ща,
Гъэлъэхъум ипщэрэри, рирарэ-ща,
КъыфышӀосыбзыныри, рирарэ-ща,
Сэнэфым икӀадэри, рирарэ-ща,
Фэсыушъхьащыныри, рирарэ-ща.
Шэбатыныкъу:
- Сыешкэ-ешъуакӀопи, рирарэ-ща,
СылэгъунэкӀо шъаопи, рирарэ-ща.
Ӏалэдж яунэжъыми, рирарэ-ща,
Ра сыщыгъозаджэшъы, рирарэ-ща,
Ар къысэгъэлъэгъури, рирарэ-ща.
Чэмахъор:
- Ар сигъашӀэ тӀэкӀуми, рирарэ-ща,
Ар сычэмэхъожъэуи, рирарэ-ща,
Къорэгъыжъэр слъэшъоуи, рирарэ-ща,
Шъофыжъыми сит, рирарэ-ща.
Ӏалэдж яунэжъэри, рирарэ-ща,
Шъыдым сигъэшӀэныя, рирарэ-ща.
АӀоу зэрэсэӀугъэри, рирарэ-ща,
Унэ щэгупэфыя, рирарэ-ща,
Унэ фыжьы кӀахьыя, рирарэ-ща,
ТхьащэкӀ икӀахьыгъэри, рирарэ-ща.
Ащ ипэӀулъашъохэр, рирарэ-ща,
Шыбгъэлыбэм нэсыри, рирарэ-ща.
Ащ изыкӀэсэнэри, рирарэ-ща,
Цуиймэ зэрафищыри, рирарэ-ща.
Ай зы гуащэ исышъы, рирарэ-ща,
Щэндакъэу иплъапӀэми, рирарэ-ща,
Тесышъы зеплъахьыя, рирарэ-ща.
Ащы ипсэлъыхъомэ, рирарэ-ща,
ПчъэӀор аутагъэшъы, рирарэ-ща,
Шы дэгъу утесымэ, рирарэ-ща,
Дэкъу-дэсы дэкӀыя, рирарэ-ща,
Шы дэи утесымэ ухэускӀутэна,
Ар Ӏэкондэ дахэри, рирарэ-ща,
Щэндакъэу иплъапӀэми, рирарэ-ща,
Тесышъы зеплъахьыя, рирарэ-ща.
Ащ укъызилъэгъуджэ, рирарэ-ща,
УщыукӀытэныя, рирарэ-ща,
УукӀытэжьыныя, рирарэ-ща.
Шэбатыныкъу:
- Зы хьабзыри слъэгъумэ, рирарэ-ща,
СыщыукӀытэнэуи, рирарэ-ща,
Зы бзылъфыгъэ слъэгъумэ, рирарэ-ща,
СыукӀытэжьынэуи, рирарэ-ща,
Шъыдэу къысэпӀуагъыя, рирарэ-ща.
Уитхьэм семыплъэу, рирарэ-ща,
Щыгъу-пӀастэм семыплъымэ, рирарэ-ща,
ӀэкӀоцӀ барымэкъыми, рирарэ-ща,
Ра учӀэзгъэпшыныя, рирарэ-ща,
Ор идэнэ кӀэпщэри, рирарэ-ща,
Шы чапэм щегъабзыя, рирарэ-ща.
Шы лъэгум къычӀэчъырэр, рирарэ-ща,
КъопцӀэкӀэ-къопцӀашхъоуи, рирарэ-ща,
Ошъопщым дефыя, рирарэ-ща.
Ихьэ къыхигъэшъутырэр, рирарэ-ща,
Ибгъэм ригъэубытэуи, рирарэ-ща,
Адэмэ ежьэжьыгъыя, рирарэ-ща.
Ӏалэдж яунэжъыми, рирарэ-ща,
Ра къыфеузэнкӀыри, рирарэ-ща.
О, Ӏэкондэ дахэри, рирарэ-ща,
Щэндакъэу иплъапӀэми, рирарэ-ща,
Тесышъы къелъэгъуя, рирарэ-ща.
Ӏэкуанд:
- Тянэу Сэтэная, рирарэ-ща,
Сэтэнэе гуащыя, рирарэ-ща,
Зы шыори къакӀошъы, рирарэ-ща,
Нартым къимыкӀыгъэмэ, рирарэ-ща,
Чыртым къыралъфагъэпи, рирарэ-ща,
Ра уишкыны ӀэшӀори, рирарэ-ща,
Мыфэбэ-мычъыӀэуи, рирарэ-ща,
Ра къэгъэхьазырыя, рирарэ-ща.
О, Ӏэкондэ дахэми, рирарэ-ща,
Ор, икӀыгъунитӀори, рирарэ-ща,
Ежь нахьи нахьы дахэуи, рирарэ-ща,
Ащ къыщыпэгъокӀыя, рирарэ-ща.
Ащы ибатырыхэр, рирарэ-ща,
Ащ къыщызэблэчъыя, рирарэ-ща.
Ра икъэблэчъэшкори, рирарэ-ща,
Ра къыфыӀуагъэчъыя, рирарэ-ща.
Шэбатыныкъор къэсышъы, рирарэ-ща,
Ор ишы лъэкъуиплӀэри, рирарэ-ща,
Саем къынэмысэуи, рирарэ-ща,
Къелъи, къыдэхьагъэри, рирарэ-ща.
Ӏэкуанд:
- Нарт Шэбатыныкъуа, рирарэ-ща,
Шэбатыныкъопщыя, рирарэ-ща,
Зышъхьэр тымылъэгъоуи, рирарэ-ща,
Зигугъум тигъалӀэрэр, рирарэ-ща,
Еблагъэ-еблагъыя, рирарэ-ща,
Гъэлъэхъум ипщэрыхэр, рирарэ-ща,
КъыпфышӀуязгъэбзыныя, рирарэ-ща,
Сэнэфым икӀадэри, рирарэ-ща,
Фэсыушъхьащыныя, рирарэ-ща.
Ӏэкуандэм ибатырыхэр, рирарэ-ща,
Къэблачъэм ечъалӀэшъы, рирарэ-ща,
Къэблачъэр рагъасишъы, рирарэ-ща,
Хьалэр къыдадзэжьишъы, рирарэ-ща,
Уатэмджэ теожьыхэу, рирарэ-ща,
КъыщыӀэкӀэлъагъуя, рирарэ-ща,
Шэбатыныкъо мэгубжыя, рирарэ-ща.
Шэбатыныкъу:
- Уигъэлъэхъу пщэрыхэр, рирарэ-ща,
Тыгъужъ Ӏусы охъуя, рирарэ-ща,
Уисэнэфы кӀадэми, рирарэ-ща,
Цыгъохэр хэлӀахьыя, рирарэ-ща,
Къэблэчъэшко елъишъы, рирарэ-ща,
Адэмэ, ежьэжьыгъыя, рирарэ-ща.
Бэрэтэрэ Хьабидэт къыӀоу 1969-м атхыгъ// Адыгэ радиом ифонотекэ щыщ// Нартхэр - ӀӀӀ т. - Мыекъуапэ, 1970