Лабэдэсхэм я гъыбзэ

ТЕКСТ ПЕСНИ:

Елмысхъаныр магъри,

Аукъэ рэуэ ией, Хъаний дахэм, а маржэ, кърегъагъых!

Елмырзэ икъуэм къыдищӏа лейр,

Аукъэ рэуэ ией, дяужь къинэм, а маржэ, щремыгъупщэ!

Лабэжьурэ тхьэр зыдэбгамэ,

Аукъэ рэуэ ией, лъы бахъаер, а маржэ, къызэрыдох!

Мыр, Лабэкӏэмкӏэ сынеплъыхыжмэ,

Аукъэ рэуэ ией, сабийхэр, а маржэ, уи псыхьэлъахуэт!

Къэрэмырзэхэ фи дыщэ бжаблэр,

Аукъэ рэуэ ией, гын ӏугъуэмэ, а маржэ, къыфхуегъэуфӏыцӏ!

Джаурыжьурэ зи напэр фӏыцӏэр,

Аукъэ рэуэ ией, Елмырзэ икъуэкӏэ Темырболэтт!

Лабэжьмэ уэздыгъей мэзым,

Аукъэ рэуэ ией, Ермэловыр, а маржэ, укъыщӏотӏысхьэ!

Щхьэнтэ тӏуащӏэм тесыгъэ гуащэхэм,

Аукъэ рэуэ ией, дакъэжь тӏысыпӏэр, а маржэ, ямыгъуэтыж!

Уиадэурэ Щоджэн Шумахуэри

Аукъэ рэуэ ией, игъащӏэми, а маржэ, шыщхьэмыгъазэт!

Ар фоч пэбжкӏэ дагъэзыхьари,

Аукъэ рэуэ ией, Щоджэнхэ япхъуу Гуащэхъурейт!

Лабэжьым дэ дыщыдэсымэ,

Аукъэ рэуэ ией, жыхафэр, а маржэ, ди шэджэгъуакӏуэт!

Джаурыжьыми дыщыратыжым,

Аукъэ рэуэ ией, мыжьыкъ алащэм, а маржэ, дыдагъэлъэхъу!

Инэралым и унэ лъапӏэм,

Аукъэ рэуэ ией, джыназкӏэ сыщызэрашэт!

Сэ жэщгъуэлъмэ сыщыхуашэжкӏэ,

Аукъэ рэуэ ией, тэрмэшым, а маржэ, сыхуогузасэ!

Лабэжьмэ дэ дыщыдэсым,

Аукъэ рэуэ ией, уэркъ щауэхэр, а маржэ, ди дэджэгуэгъут!

Джаурыжьым дыщыратыжым,

Аукъэ рэуэ ией, драгуныжьхэм, а маржэ, драджэгуэгъущ!

Ермэлофым уи топ щхъуантӏэжьым,

Аукъэ рэуэ ией, Ахъмэтыбгыр, а маржэ, къытхуегъэпсалъэ!

Тетыжь бзаджэр къыщыдэпсалъэкӏэ,

Аукъэ рэуэ ией, тэрмэшым, а маржэ, дыхуогузасэ!

Лабэдэсым фэ фи гуащитӏри,

Аукъэ рэуэ ией, алащэм, а маржэ, дыдагъэлъэъу!

Дэ гуащитӏыр дызэблэзыхъур,

Аукъэ рэуэ ией, Елмырзэ икъуэкӏэ Темырболэтщ!

Гъубжурэ пщэдджыжь мыгъуэми,

Аукъэ рэуэ ией, дзэ фӏыцӏаер, а маржэ, дэ къытщӏотаджэ!

Сабий-бынурэ къэмытэджахэри,

Аукъэ рэуэ ией, фоч пащӏэкӏэ, а маржэ, къыщагъэлъэт!

Тажгуэрэ ди дыщэ пыӏэри,

Аукъэ рэуэ ией, фоч лъэдакъэкӏэ, а маржэ, къытщхьэщакъутэ!

Къутынгуэрэ ди гъуэншэдж цӏыкӏухэр,

Аукъэ рэуэ ией, шырыкъу лъапэкӏэ, а маржэ, къытхузэӏатхъ!

"Мамэжьейуэрэ" дыщэр зи гъуазэмрэ,

Аукъэ рэуэ ией, а махуэм уи быным я кӏасэмрэ,

"Алыхьталэм уи анэмэтщ" жори,

Аукъэ рэуэ ией, мы Лабэжьмэ, а маржэ, хогъэщэтэж!