народная песня
Другие версии: Вариант 2
ТЕКСТ:
1. Ар си къэзакъыш мыгъуэри
Ар шыщхьэмыгъазэти,
Сэ къэзгъэзэжыхукlэрэ
Укъэмыгугъэ, Чэбэхъану дахэ!
2. Ар си пшынэ цlыкlу мыгъуэри
Уэзджынэ макъ мыгъуэти,
Уи къамышы уэ макъ мыгъуэм
Сыныщlегъэжри, си Мамышэ мыгъуэ.
3. Си лодан бостей мыгъуэми
Сифэр хогъуащэ мыгъуэр,
Уэ уифэр бгъэгъуащэрэ
Муратыр бгъакlуэркъэ, си Мамышэ мыгъуэ.
4. Си шухьэ цей мыгъуэри
Ар зэрыфэеплъ мыгъуэт,
Уэ Мурат плъагъухукlэрэ
Уигу сыкъэгъэкlи, Чэбэхъану дахэ!
5. Уэ укъыщыщlыхьэкlэрэ
Пшынэм къызогъэкlри,
Уэ ущыщlэкlыжкlэрэ
lупщlэ пхузощlри, си Мамышэ мыгъуэ!
6. Ар уи адэкъуэшыжь мыгъуэри
Ар уи гунэмыс мыгъуэт,
Уэ узэрынэсурэ
Шыгъуэ къыуамытмэ, ущlегъуэжынти!
7. Сиадэу Пакъэр
Хьэджафэзешэщ,
Фидеж сумышэми
Германым сышэ, си Мамышэ мыгъуэ!
8. Къэзакъ пыlэщхъуэр
Натlэпэм тесщ,
Къэзакъ шы гъуабжэм
Мамышэ тесу къэзакъым кlуа мыгъуэщ!
9. Шухьэ цей гъуабжэр
Уифэм хогъуащэ,
Уэ зыхэбгъэгъуащэрэ
Муратыр бгъакlуэркъэ, си Мамышэ мыгъуэ!
10. Уи адэкъуэшыжьыр
Уи гунэмыскъэ,
Уэ узэрынэсу
Медаль къыуамытмэ ущlегъуэжынкъэ!
11. Си пшынэ фlыцlэри
Согъэшэрашэ,
Мамышэ симышэмэ,
Мысост сишэнущ, си Мамышэ мыгъуэ!
12. Лагер пщlантlэжьым
Шыlус щагуэшыр,
Укъэзакъ пашэу
Упшапэ lудзт, си Мамышэ мыгъуэ!
13. Хьэзизэтышхуэр
Къызонэпауэ,
Сызэкуэфэуэжу
Сыкъэбгъэнакъэ, си Мамышэ мыгъуэ!
14. Къэзакъ шынелыр
Мащlэу пхуэкlыхьи,
Уэ гъуэгуанэ кlыхьым
Утеувакъэ, си Мамышэ мыгъуэ!
Источник: книга З. Кардангушева "Адыгэ уэрэдыжьхэр")