Дзадзэ дахэ

ТЕКСТ ПЕСНИ:

Дзадзэ дахэр пшъашъэу щыс,

Яри икъори ипсэлъыхъу.

Ятэ-янэми къараӏуагъ,

Къаратынэуи къараӏуагъ,

Къарамтынэуи къараӏуагъ.

Къысэшъумытми сышъуфэраз.

Яри икъори къэшэсыжь,

Дзадзэ дахэри иплӏэ дэс.

Мэзы лъапэми къыкӏэхьажь,

Мэз чэтыжъхэри кӏэтэлъат,

Дзадзэ дахэри къыӏэпыз,

Чӏым нэмысэуи ипсэр хэз.

Тхьар къысауи, тэ усхьын?!

Чъыгы шӏэгъым укӏэслъхьэнти,

Хьацӏэуцӏымэ усшӏуашхын!

Чъыгы шъхьапэм упыслъхьэнти,

Къуалэ бзыумэ усшӏуашхын!

Тхьар къысауи, тэ усхьын?!

Тыжьын къамэри и къазму,

Ӏэхъомбипшӏыри ихьанцэу,

Дзадзэ дахэри къыкӏилъхьажь.

Пхъэ цуакъитӏури нэтӏэ хэс.

Яри икъори къэшэсыжь,

Яхьакӏэщми къыкӏэхьажь.

Къамыл пщынэми къырегъэкӏ,

Иш нахьыжъми зэхашӏыкӏ.

Нысэу щытми, тэ тиныс!

Хьадэу щытми, тэ тихьад!

Дзадзэ дахэри къыкӏахыжь,

Хьадэ мыгъэпкӏыри ягъэпкӏыжь.

Яри икъори къыгуалъхьэжь.