народная песня
Категории: кабардинские песни
ТЕКСТ ПЕСНИ:
Анзор и къуэжьым ӏуэхухэр зэрехьэ
Хъыбар къэзыхьыжыр Пщыунэ Къазийщ
Хэкум докӏыж мыгъуэри!
Налшыч тетыжьым паспорт къыдет
Ди гумм къыщӏитхъурэ хэкум драш
Хэкум докӏыж мыгъуэри!
Пщэдджыжь мафӏэгур къыткӏэщӏолъадэ
Дызэхолъадэри ди щхьэр догъей
Хэкум драш мыгъуэри.
Данэ ӏэлъэщӏыр жьыуейм зэрехьэ
А зы Алыхьым дызэхуихьыж
Хэкум дыпокӏ мыгъуэри.
Тенджыз фӏыцӏэжь мыгъуэм кхъухьхэр щызоуэ,
Щауей хьэжыжьым ӏуфэр къежыхь
Балкъызу дахэм пшынэр къегъаджэ
Благъэр къыдэджэм дымыгъуэтыж
Хэкур тӏэщӏокӏ мыгъуэри.
Консулым щӏэсыр пащӏэ бзииплъщ
Сабийхэм дахэплъэмэ ди гур мэуз
Хэкур къытфӏонэ мыгъуэри.
Тырку къурӏэнаджэр ди гумм и жагъуэ мыгъуэщи
Мыр зи ӏэужьым бгышхуэр къытеуэ
Ди гур къутауэ хэкум докӏыж.
Мы гъыбзэр зыусар къэбэрдей адыгэхэрщ. Ахэр зэуӏуу щопсэу Анадолэм и курыкупсэм хуэзэ Ӏузын-Ейлэкӏэ зэджэ щӏыпӏэм. Пшынэм дежьыуурэ ноби гъыбзэр щыжаӏэ Тыркум щыӏэ къэбэрдей къуажэхэм. Дэзыгъэтхыжар Истамбылым щыпсэу Джэрэш Нихьэдщ.
Источник: Bjami Radio
ключевые слова: 1уэхухэр