Дзыгъур Кӏаш и уэрэд

ТЕКСТ ПЕСНИ:

Зи псалъэ гущэри зищхьэ щымытхъу,

Уэр, зи хабзэм хамэр ехъуапсэ, рэтӏэ,

Ар езыри хэтхэ ящыщ жыпӏэмэ,

Мыдэкӏэ Дзыгъурмэ я Кӏашэтэкъэ!

Мы зы гъуэгу гущэмэ игум сынохьэ,

Уей, жыпӏэркъэ, сыщхьэхуимыти, атӏэ,

Тетыжь бзаджэ гущэмэ къыскӏэлъегъапхъэ,

Шу пхъэрыжь куэдымэ пщӏантӏэр япщытэ, атӏэ!

Ныбжьыщӏэ гущэуэ къызэзнэкӏыгъэмэ,

Сабий бынгуэрэ къыскӏэлъыгъыбэмрэ,

Сианэжь гущэуэ къыскӏэлъыпыхьэмрэ,

Схуэмыфащэуэ сыкъагъэубзэ, атӏэ!

Сэ сощатэри кӏыфӏым сыхохьэ,

Уей жыпӏэркъэ, сыщхьэхуимыти, атӏэ,

Схуэмыфащэуэ си ӏэщэ-фащэр

А махуэмэ сибгым нырахи, атӏэ!

Сэ жагъуэгъу гущэуэ сызэхэзыхымэ

"Кӏаш" жари сыратхьэлъанэщ, атӏэ,

Ныбжьэгъуфӏ гущэуэ сызэхэзыхымэ

"Кӏаш" жари сафӏэгуузщ, атӏэ!

Уей жыпӏэркъэ, сыникӏыжынути,

Уайрэ, лъагъуэр имыӏэ, рэтӏэ,

Мыдэкӏэрэ зы лъагъуэ иӏэти,

Уей жыпӏэркъэ, "хьэхэр" къытожьэ!

Си ӏуэхум ипэри блэ къуэлэныкӏэти,

А махуэм къызэлъыкъуощыр, атӏэ,

Си ӏуэхум икӏэри благъуэ ӏунэщӏти,

Уей жыпӏэркъэ, зэдокӏуэдыжыр.

Хьэдрыхэ гущэу дыгъэр щемыпсым

Сэ сыпсэу гущэу и гъум сыдоплъыр,

Ныбжьэгъуфӏ гущэуэ къыскӏэлъымыплъым

Сэ ситхьэм къахуимыгъэгъуи.

Тхьэзырит гущэмэ емыфыкӏ узти,

Ажал узкӏэрэ сипсэр хэмыкӏи, атӏэ!