ТЕКСТ:
Зы лӀы закъуэми сыривти...
Сэ вагъуэ бэджэнд гущэурэ сыриӀэт!
Мыр гъатхэпэр къосри,
Ар лӀы нэпсей бзаджэ гущэми среткъэ!
Сэ сызэрита гущэмэ,
Мыр дакъэ зэужь гущэми сыдещӀэ!
Мыр телъафэ щищӀкӀэрэ,
Выхэр чэзууххэ гущэуи къыспэщӀещӀэ!
Мэрем пшыхьыр къосри,
Мыр цӀымгуужь цӀыкӀу гущэри къыспэщӀещӀэ!
Унэм сыкъехужри
Мыр Ӏуэ нэщӀыжь бзаджэ гущэми среубыдэ!
А нэхущри щыхъумэ,
Мы бжей мэзыжь кӀыфӀ гущэми сыщӀехуэ!
Мы бжеижьым и цӀынэмрэ,
Мы тхуеижьым и кӀащӀэмрэ из къещӀкъэ!
Сэ сыкъыщӀещӀэжри
Мыр дэшыпӀэ бзаджэ гущэми сыкӀэрехуэ!
Къыхудэмышыххэурэ
А цӀымгуужь цӀыкӀу гущэри щӀезгъагуэщ!
А лӀыр къэгубжьауэ,
Мыр хывыхъум и хахуэ гущэри къехускъэ!
Сэ сыкъыщӀэроуэри,
Мыр гудзибгъум япӀэ гущэри щӀэзгъащӀэщ!
Мы тхеичым и кӀэщӀри,
Сэ си пэщхъын щабэ гущэми трекъутэ!
Абы и чы къутахуэри,
Сэ си пэ гъуанитӀ мыгъуэми щолъащӀэ!
Лъыпсуэ кърихуами,
Мы гъуэгуанэ сабэ гущэри еуфэнщӀкъэ!
Сэ къызэпщӀа лейри
Уэ къыпхуэмыгъун гущэуи солъаӀуэ!