Остыгъэе къалэм иорэд

ТЕКСТ ПЕСНИ:

Нартмэ я Хьамырзэ гущэр

О шыу зэкъо къали.

Остыгъэе къалэ гущэм

Дзитӏур щызэӏокӏи.

Подпевка:

Ойдэ-ридэ, ойдэ-ридэ (2 раза)

Ойдэ-ридэ ри-ра.

Дзитӏоу зэӏукӏагъэ гущэм

Лӏы тӏурытӏу къыхащы.

Лӏы тӏурытӏу къыхащы гущи

Макъэ зэлъырашъы.

Нэфышъагъо топы гущэр

Чӏылъэми щэгъуагъо,

Джаурмэ ягын гъао

Машӏое къыхехы.

Хьаныдэчым дэлъы гущэм

Лъыпсыи хырэчъы.

Тхьарыкъожъым хэлъы гущэм

Джэнэтыр егъоты.

Кушъутанэкъо Нэшъу гущэм

Зэужьы кӏеугъуаи,

Ергъужъы Хьэзакъо гущи

Чатэ зэкъорыуи.

Шӏуцӏэ Лъэпшъыхьакӏэ гущэм

Быракъыр рапэсы,

О шхончы зэпео гущи

Ар зэрэбэлахьы.

О шхончы зэпео гущи

Ар зэрэбэлахьы.

Натхъокӏэ унишъэ гущи

Зэрэкӏодыкӏай,

Зибэ хэкӏодагъэ гущи

Натхъокӏэ унишъэ.

Натхъокӏэ быракъы гущи

Къалэми щыкӏасэ