Сидэхэцӏыкӏу

ТЕКСТ ПЕСНИ:

1.

Гъэтхэ гъэгъагъэмэ яжьы къэщакӏэ

Уижьы къэщакӏэ сидэхэцӏыкӏу

Пхъэшъэбэ пкӏашъэмэ яӏушъэшъакӏэ

Уигущыӏакӏэ, сидэхэцӏыкӏу

Припев:

Пчыхьэ мэзагъоми

Псы нэпкъы лъагэм

Уизынэплъэгъур сызыфэягъэр

Пчыхьэ мэзагъоми сыгу укъыредз

Гушӏо орэдыр къыпфыхэсэдз

2.

Усымылъэгъумэ сищыӏэныгъэ

Ныкъоу слъытэни, сидэхэцӏыкӏу

Сыгу уимылъыгъэмэ, гу симыӏахэу

Сызэплъыжьыни, сидэхэцӏыкӏу

3.

Щыгъыжъыяцэхэу унитӏу нагъомэ

Ӏушэу заплъахьы сидэхэцӏыкӏу

Ащ сазычӏаплъэрэм, насып гушӏуагъор

Акӏэсэлъагъо, сидэхэцӏыкӏу