Бжьыхьэ

ТЕКСТ:

Бжьыхьэ жэщу, щӏыӏэу, псыӏэу уигур сэ къысфӏощӏ,

Уэлбанэпсу нэ утхъуахэм нэгур кӏыфӏ къысфӏащӏ.

Пщӏащэ гъуэжьым псэ хэмыту жыгым къыпыхуа,

Купщӏэ лъэпкъи имыӏэжу сфӏощӏыр къыупсэлъам.

Ди якум дэтщи а щӏыӏагъэр сигур егъэдий,

Си ӏэпкълъэпкъыр иубыдащи мэкӏэзыз лъэдийр.

Унэм жьэгур ужьыхащи схущӏэмыгъэнэж,

Нэр сурэтым тедиящи гъащӏэр нэгу щӏокӏыж.

Унэ нэщӏым сыщӏэнащи гупсысэшхуэм сехь,

Нэщхъеягъэр къысщӏэуащи псыдзэу унэр сфӏехь.

Лэгъупыкъум хуэдэу дахэу лъагъуэ пхухэсшынт,

Уэлбанэшхуэр тщхьэщыкӏатэм ари къыкъуэкӏынт.

Лэгъупыкъум хуэдэу дахэу лъагъуэ пхухэсшынт,

Уэлбанэшхуэр тщхьэщыкӏатэм ари къыкъуэкӏынт.