Кадетхэм Къалмыкъым хуауса уэрэд

ТЕКСТ ПЕСНИ:

1. Е уэредэ, Къатхъэнхэ я унэри-тӏэ,

Ай, ай, топкӏэрэ накъутэ,

Кӏэрэфхэ фи дыщэ ӏэлъынри, рэ-мей,

Къалмыкъыжьым евгъэкъутаи.

2. Е уэредэ, Къатхъэн Назирри, уей,

Ай, ай, властым щӏобэг,

Кӏэдетыжьурэ зигу бэгаижь къомыми-тӏэ,

Хьэжмэт и фэууэ иракъухьаи!

3. Е уэредэ, Къатхъэнхэ шыгъуабжэри-тӏэ, ай,

Ей дуней, нахъутэм къыдоджэгу,

Большевикым дэ дадэджэгунути, ай, ай,

Ей дуней, зы дымыгъуэтыж!

4. Е уэредэ, Серебряковыми, ай.

Ай, ай, дыкъызэхуегъэс,

Тхьэм емыплъу зэхуэса къомхэми-тӏэ,

Дуней, Къэбэрдейр дагъэунэхъуащ!

5. Е уэредэ, мыр Къатхъэн Назирыми-тӏэ,

Ай-ай, мыр босяк зэрешэ,

И ныбжькӏэ отряд зезышэри, уей дуней,

Ай дуней, Серебряковщ.

6. Е уэредэ, мелуан топыжь гущэри-тӏэ,

Уей дуней, Ӏуащхьэмахуэ щыхотӏэ,

Къэбэрдейм хьэхэурэ щӏэфтӏахэри, дуней,

Штыккӏэрэ дэ къыщӏэтхыжаи!

7. Е уэредэ, Къалмыкъ Бетӏалми-тӏэ,

Ай дуней, алътымыр и пащӏэщ,

Мыдэкӏэрэ пащӏэр зыгъэкӏри, рэ-дуней,

Ай дуней, Серебряковырщ.

8. Е уэредэ, Тэучэш Ӏэбуми-тӏэ,

Ай-ай, фызищ зэрешэ,

Мыдэкӏэ Мэздэгу къитшами, дуней,

Хэку мыгъуэми дэ дришыжаи!