Си гъащӏэр богъэнэху

ТЕКСТ ПЕСНИ:

Уэшхыр тхьэмпэхэм тощащэ,

Йодэхащӏэ, толъэщӏыхь.

Мы си гущӏэр къоӏущащэ,

Ухэкӏыхэркъым си пщӏыхь.

Припев:

Узимазэщ, узидыгъэщ,

Узивагъуэщ, узинэхущ.

Жэщи махуи узилыгъэщ,

Уэ си гъащӏэр богъэнэху.

Тхьэмпэм дыгъэм зыхуешийри,

Сфӏощӏыр щабэу ӏэплӏэ хуищӏ.

Гугъэр си гум къыщоушри

Гухэлъ дахэхэр ныпхуещӏ.

Припев.

Тхьэмпэр жьыбгъэм егъэкъабзэ,

Уэрэд гуакӏуэр щӏым щожьу.

Си гурышэу мэбзэрабзэ,

Ещхьу жыгым къытес бзум.

Припев.

Тхьэмпэм жыгыр егъэдахэ,

Псом нэхъ дахэр уэра сфӏощӏ.

Уэ зыщ зыщӏыр си гур махэ,

Узмылъагъумэ си гур хощӏ.

Припев.